Atyraý oblysynda taǵy bir kópirdi sý shaıyp ketti, dep habarlaıdy "Adyrna" tilshisi QazAqparatqa siltep.
Oblysta Oıyl ózeniniń sýy arnasynan áli asyp jatyr. Qyzylqoǵa aýdany Mııaly aýylynyń mańyndaǵy bir kópirdi tasqyn sý shaıyp ketken.
«Oıyl ózenindegi sý arnasynan asyp jatyr. Tasqyn sý «Saǵyz-Mııaly-Qarabaý-Inder» baǵytyna qatynaıtyn joldaǵy kópirdi shaıyp ketti. Bul kópir Mııaly men Jangeldın aýyldary aralyǵynda salynǵan», - dep habarlanǵan.
Oıyl ózenindegi sý tasqynyna baılanysty Mııaly aýylynan 559 turǵyn qaýipsiz jerge kóshirildi. Tirelgen sýdyń deńgeıi 1 metr 20 sm quraǵan.
