الماتىدا موپەد جۇرگىزۋشىسىمەن سوقتىعىسقان پوليتسەي جازالاندى، دەپ حابارلايدى "ادىرنا" ۇلتتىق پورتالى.
«جول-كولىك وقيعاسى الماتىنىڭ جەتىسۋ اۋدانىندا بولدى. Chevrolet پاترۋلدىك كولىگىنىڭ جۇرگىزۋشىسى قىلمىستىق جاۋاپكەرشىلىككە تارتىلدى. وندىرىستىك ماتەريالدار سوتقا جىبەرىلەدى»، - دەپ جاۋاپ بەردى الماتى قالالىق ءىىد ءباسپاسوز قىزمەتى.
پوليتسەيلەر شۇعىل شاقىرۋعا بارا جاتىپ، شۇعىل شاقىرتۋ شامدارىن جانە دابىل جۇيەسىن قوسىپ، كەرى بۇرىلدى.
بەينەباقىلاۋ كامەراسىنان ءبىر كولىكتىڭ توقتاپ، پوليتسيا كولىگىن وتكىزىپ جىبەرگەنىن، بىراق اۆتوبۋس جولاعىندا كەلە جاتقان موپەد جۇرگىزۋشىسى پاترۋلدىك كولىكپەن سوقتىعىسقانىن كورۋگە بولادى.
پوليتسيا دەپارتامەنتىنىڭ ءباسپاسوز قىزمەتى موپەد جۇرگىزۋشىسى اۆتوبۋس جولاعىمەن ءجۇرىپ زاڭ بۇزعانىن اتاپ ءوتتى. اقپاراتقا سايكەس، موپەد جۇرگىزۋشىسى مەديتسينالىق كومەك كورسەتۋدەن باس تارتقان.
