«تازا قازاقستان» رەسپۋبليكالىق ەكولوگيالىق اكتسياسى ەلىمىزدىڭ بارلىق ايماعىندا كەڭ ءورىس الۋدا. بۇل يگىلىكتى جۇمىس شىمكەنتتە دە اۋقىمىن كەڭەيتە ءتۇستى. بۇگىن تاڭەتەڭنەن باستاپ قالاداعى بارلىق ۇيىمدار مەن مەكەمەلەردىڭ قىزمەتكەرلەرى، تۇرعىندار مەن ەرىكتى جاستار، ارداگەرلەر مەن وقۋشىلار بۇل يگىلىكتى شاراعا بەلسەندىلىكپەن اتسالىسۋدا.
قالاداعى كوپ قاباتتى تۇرعىن ۇيلەردىڭ اۋلالارى مەن كوشەلەردە سانيتارلىق تازالىق جۇمىستارى مەن كورىكتەندىرۋ، اباتتاندىرۋ شارالارى، ءشوپ ورۋ، اعاشتاردى اكتەۋ، قورشاۋلار مەن ورىندىقتاردى سىرلاۋ جۇمىستارى قىزۋ جۇرۋدە. ودان بولەك، 3,3 شاقىرىم يرريگاتسيالىق ارىق جۇيەسى، 9,7 شاقىرىم جول جيەكتەرى تازارتىلسا، 130 توننا كۇل-قوقىس شىعارىلدى.
بۇل جۇمىستارعا 9500-دەن اسا قالا تۇرعىندارى مەن 112 تەحنيكا جۇمىلدىرىلدى.
اكتسيا اياسىندا بەلسەندى تۇرعىنداردىڭ باستاماسىمەن "وتكەنگە – قۇرمەت، تىرىگە مىندەت" اتتى شاراسىنا قالاداعى 92 مەشىتتىڭ ءدىني قىزمەتكەرلەرى مەن ەرىكتى 3574 ازامات قاتىستىپ، 37 مۇسىلمان زيراتتارىنىڭ اۋماعىن كۇل-قوقىستان، شوپتەردەن تازارتىلىپ، قۋراعان اعاشتار كەسىلدى.
ال، «جاسىل ايماق» اپتالىعى اياسىندا ۇيىمداستىرىلعان سەنبىلىككە جاس ەكولوگتاردىڭ قوسقان ۇلەسى دە زور بولدى. جاسىل جەلەك قاتارىن كوبەيتۋگە اتسالىسقان جاس ەكولوگتارعا قالا تۇرعىندارى دا كومەكتەسىپ، اعاش كوشەتتەرىن وتىرعىزۋ جانە اقتاۋ جۇمىستارىن جۇرگىزدى.
يگىلىكتى بۇل ءىس شارادان مەكتەپ وقۋشىلارى دا قالىس قالعان جوق. بەلسەندىلەر مەكتەپ اۋلالارىن اباتتاندىرىپ، گۇلدەر وتىرعىزدى.
ال ەلىمىزدىڭ كوك بايراعىن الەمدە جەلبىرەتىپ جۇرگەن سپورتشىلارىمىز قالاداعى ءال-فارابي كوشەسىنە 100 ءتۇپ كوشەت ەگىپ، تازالىق شارالارىن جۇرگىزدى.
قالانىڭ كوركى ونىڭ ءاربىر تۇرعىنىنىڭ سالاۋاتتى ءومىرىنىڭ كەپىلى ەكەنىن تەرەڭ تۇسىنەتىن شىمكەنتتىكتەر رەسپۋبليكالىق ەكولوگيالىق اكتسيانىڭ جوعارى دەڭگەيدە وتۋىنە ىقىلاسپەن كوڭىل بولۋدە.
شىمكەنت –شىرايلى قالا. ال ونىڭ ساۋلەتى مەن كوركىن اجارلاندىرا تۇسۋگە ەكولوگيالىق اكتسيانىڭ تيگىزىپ جاتقان اسەرى ءتىپتى زور. قالانىڭ ءاربىر كوشەسى مەن اۋلالارى تازالىقتىڭ تالابىنا ساي جارقىراي تۇسۋدە.
جالپى تازالىق اكتسياسىنىڭ بەلسەندىلىكپەن وتۋىنە شىمكەنت قالاسى اكىمدىگىنە قاراستى باسقارمالار بارىنشا كوڭىل بولۋمەن قاتار وزدەرى دە قىزۋ جۇمىلۋدا.
تازالىق—دەنساۋلىق كەپىلى. ال دەنساۋلىق – ءار ادامنىڭ ءومىرىنىڭ بايلىعى. وسى قاعيدانى تەك ناۋقاندىق شاراعا عانا اينالدىرماي، ءبىزدىڭ كۇندەلىكتى تىرشىلىگىمىزدىڭ تىنىسى مەن مىندەتى ساناي بىلسەك، «تازا قازاقستاننىڭ» بەينەسى دە ارقاشان جارىق تا جارقىن بولاتىنى ءسوزسىز.
