قاراعاندىدا ەر ادام بالالارىنىڭ كوزىنشە بۇرىنعى ايەلىن ءولتىردى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
ايەل ادامنىڭ بۇرىنعى جۇبايىنىڭ قولىنان قازا تاپقانى تۋرالى جانتۇرشىگەرلىك اقپاراتتى الەۋمەتتىك جەلىدە قۇقىق قورعاۋشى سەرىك بەركامالوۆ جاريالادى.
بەلگىلى بولعانداي كىسى ءولتىرۋ دەرەگى 25 ساۋىردە بولعان. ايەل كۇيەۋىمەن 10 جىلدان استام ۋاقىت بۇرىن اجىراسقان. الايدا بۇرىنعى كۇيەۋى ونىڭ ارقاشان ىزىنە ءتۇسىپ، مازا بەرمەگەن دەگەن دە بولجام بار.
مارقۇم كوزى ءتىرى كەزىندە پوليتسياعا جۇگىنگەنىمەن ءار جولى كۇدىكتى جازاسىز قالىپ، ورگانداردا تانىستارى بارىن ايتىپ، ماقتانعان. 25 ساۋىردە ەر ادام ايەلگە كامەلەتكە تولماعان بالالارىنىڭ كوزىنشە بىرنەشە رەت پىشاق سۇققان.
ايەل ادام 52 جاستا بولعان. ونىڭ ارتىندا 16 جاسار قىزى مەن 14 جاسار ۇلى قالدى.
"ۇلى سول كۇنى اكەسىنىڭ ءبارىن ودان كەيىن وزىن ولتىرەمىن دەپ قورقىتقانىنان كەيىن كەشكە پوليتسياعا قوڭىراۋ شالىپ، اناسىن قورعاماق بولعان. ونىڭ شاعىمىنان كەيىن ەكى پوليتسيا قىزمەتكەرى كەلىپ، تىپتى قاۋىپ-قاتەر مەن جانجالعا، ونىڭ ماس كۇيىنە كۋا بولسا دا ەشتەڭە جاساماعان! ايەل مەن بالالاردى ابيۋزەرمەن جالعىز قالدىرىپ، كەتىپ قالعان! ەكى ساعاتتان كەيىن ول گۇلميرانى سۋىق قارۋمەن پىشاقتاپ، پاتەردەن قاشىپ كەتتى. بالالار عاجايىپپەن زارداپ شەككەن جوق، ولار دەرەۋ پوليتسيا مەن جەدەل جاردەم شاقىردى", - دەپ جازدى بەركامالوۆ Instagram پاراقشاسىندا.
اۆتور جەدەل جاردەمنىڭ جيىرما مينۋتتان استام ۋاقىتتا كەلگەنىن جازدى. ناتيجەسىندە زارداپ شەككەن ايەل اۋرۋحاناعا بارار جولدا قايتىس بولعان.
"پوليتسيا ءسال ەرتەرەك كەلگەن، بىراق قىلمىسكەر جاسىرىنۋدى ويلامادى. كورشىلەرى ءوزى كەزدەسۋگە شىعا جازدادى دەيدى. قاتاڭ تۇردە قىلمىسكەردى ۇستاۋدىڭ ورنىنا ونى ۋچاسكەلىك پوليتسەي وعان تەمەكى بەرەدى (وسى تۇستا ء“وزى وسىعان جەتكىزگەن شىعار” دەگەن بيشىمباەۆتى ەسكە تۇسىرەدى). بۇل نە؟ ادام ومىرىنە نەمقۇرايلىلىق، كاسىبي نەمقۇرايلىلىق، پوليتسيانىڭ قاساقانا بەدەلىن ءتۇسىرۋ مە؟ بىلمەيمىن، بىراق ءبىز ونى انىقتايمىز جانە بارلىق كىنالى پوليتسەيلەردى جازاعا تارتۋعا نيەتتىمىز. ارينە، قىلمىسكەر زاڭ الدىندا قاتاڭ تۇردە جاۋاپ بەرەدى", - دەلىنگەن جازبادا.
جازبادا مارقۇمنىڭ بالالارىنا تەگىن قۇقىقتىق جانە پسيحولوگيالىق كومەك كورسەتىلەتىنى ايتىلدى. كامەلەتكە تولماعان بالالارعا سالتانات نۇكەنوۆانىڭ اعاسى ايتبەك امانگەلدى كومەكتەسەتىنى دە ايتىلعان.
