الماتى قالاسى ءبىلىم باسقارماسىنىڭ «№122 جالپى ءبىلىم بەرەتىن مەكتەبىندە» 2024 جىلدىڭ 25 ءساۋىر كۇنى «ەڭبەك، ونەر، سپورت – بىلىكتى تۇلعا قالىپاستىرۋدىڭ قاينار كوزى» تاقىرىبىندا قالالىق سەمينار ءوتتى. سەميناردىڭ باستى ماقساتى – بولاشاققا بىلىكتى، زاماناۋي، شىعارماشىل تۇلعا قالىپتاستىرۋ. مەكتەپتىڭ ەستەتيكالىق پاندەر بىرلەستىگى ۇسىنعان قالالىق ءىس-شارا جوعارى دەڭگەيدە اتالىپ ءوتىلىپ، جۇزگە جۋىق مەكتەپتەن الماتى قالاسى بويىنشا 120-دان اسا بىلىكتى ۇستاز قاتىسىپ، تاجىريبە الماستى.
قالالىق سەميناردىڭ اشىلۋ بارىسى كۇمبىرلەگەن دومبىرانىڭ ءۇنى مەن №122 مەكتەپتىڭ «شابىت» ءبيى توبىنىڭ قارسى الۋىمەن باستالدى. قالالىق ءبىلىم بەرۋ ۇيىمدارىنان جينالعان ۇستازدار سەميناردىڭ QR كودپەن جاسالعان ماقساتىمەن تانىسىپ، ءماجىلىس زالىنداعى تانىسۋ كىرىسپە بولىمىنەن باستاۋ الدى. الماتى قالاسىنىڭ ءبىلىم سالاسىندا ساپانى قامتاماسىز ەتۋ دەپارتامەنت باسشىسى گۇلنار ومىربەكقىزى سەميناردىڭ اشىلۋ سالتاناتىندا ءسوز سويلەپ، ۇجىمعا ساتتىلىك تىلەدى. سونداي-اق، قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىق ادىسكەرى ت.ك.شايمەردەنوۆ، «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ جەتەكشىسى گ.كەنىشتايقىزى، اۋەزوۆ اۋداندىق ءبىلىم ءبولىمىنىڭ ادىسكەرى گ.جۇنىسبەكقىزى دا جىلى لەبىزدەرىن ءبىلدىردى.
سەمينار باعدارلاماسىنىڭ ۇيىمداستىرۋ كەزەڭىندە بارلىق جينالعان پەداگوگتەر ۇستەل تەننيسى، شاحمات سىندى سپورتتىق ويىندار ويناپ، مەكتەپ وركەسترىمەن بىرگە دومبىرامەن كۇي ورىنداپ، ماقال-ماتەل سايىسىنا قاتىسىپ، ءتاتتى سىيلىقتارعا يە بولدى. ەكىنشى ءبولىمى ەستەتيكالىق ءپان بىرلەستىگى ۇسىنعان سىنىپتان تىس ءىس-شارالارمەن ءوز جالعاسىن تاپتى. ماسەلەن، كوركەم ەڭبەك ءپان مۇعالىمدەرى ا.سەرگازينوۆا مەن ا.بيتەەۆا ۇلتتىق قۇندىلىقتار نەگىزىندە شەبەرلىك ساباعىن كورسەتسە، دەنەشىنىقتىرۋ ءپانى مۇعالىمدەرى س.كونۋرباەۆا، ب.ابانكۋلوۆ، س.سالمەكەەۆ 6-سىنىپتار اراسىندا اشىق ساباق ۇيىمداستىرىپ، ن.قامىسبەك ەرەكشە ءبىلىم بەرۋدى قاجەت ەتەتىن بالالارمەن سپورتتىق سايىس ويىندارىن جۇرگىزدى. ەستەتيكالىق پاندەر بىرلەستىگىنىڭ جەتەكشىسى، مۋزىكا ءپان مۇعالىمى گ.ەرباتىروۆانىڭ جەتەكشىلىگىمەن سىنىپتان تىس ءىس-شارادا دەنەشىنىقتىرۋ ءپان مۇعالىمى ن.كابدوللين ءان شىرقاپ، باستاۋىش، ورتا، كەشكى ءبولىم ارداگەر ۇستازدارىنان قۇرالعان توپ ءوز ونەرلەرىن پاش ەتتى. سونداي-اق، مەكتەپتىڭ جاس مۇعالىمدەرى ساحنالىق قويىلىم ۇيىمداستىرىپ، وقۋشىلاردىڭ كورمەسىمەن دە ءتانتى ەتە ءبىلدى.
بۇل سەميناردىڭ تاعى ءبىر ەرەكشەلىگى اتا-انالاردىڭ بەلسەنە قاتىسۋىندا بولدى. ماسەلەن، 1-سىنىپ وقۋشى قىزداردىڭ اكەلەرىمەن بىرگە بيلەگەن ۆالس ءبيى، ۇلى مەن اكەسىنىڭ ورىنداۋىنداعى اسەم ءان كوپشىلىكتىڭ كوڭىلىنەن ورىن تاپتى. سول سياقتى مەكتەپتىڭ شىعارماشىلىق دامۋىن كورسەتە بىلگەن وقۋشىلاردىڭ جەتىستىكتەرى دە نازاردان تىس قالمادى. قالالىق، رەسپۋبليكالىق، حالىقارالىق دەڭگەيدەگى وقۋشىلاردىڭ جەتىستىكتەرى، مويىندارىنا سىڭعىرلاتا تاققان كۇمىس، التىن مەدالدارى تەك ءبىلىم وشاعىنىڭ عانا ەمەس، ەلدىڭ ەڭسەسىن كوتەرگەنى دەپ اۋىز تولتىرىپ ايتۋعا بولادى.
«جاقسىنىڭ جاقسىلىعىن ايت نۇرى تاسىسىن» - دەپ دانا حالقىمىز ايتقانداي، ۇستازداردىڭ ءاربىر ەڭبەگى، ۇلت ءۇشىن، ۇرپاق ءۇشىن دەپ بەرگەن سانالى تاربيە مەن ءبىلىمى ارقاشان ەلەنەرى اقيقات. ۇستاز تەك مەكتەپ قابىرعاسىندا ساباق بەرىپ، بالا تاربيەلەيتىن تۇلعا ەمەس. ول - شىعارماشىل، ول – زاماناۋي، ول – پسيحولوگ، ول – ىزدەنىمپاز، جان-جاقتى دامي بىلگەن دارا تۇلعا. مىنە، ءدال وسىنداي قاسيەتتەردى بويىنا ءسىڭىرىپ، ءبىر جەڭنەن قول، ءبىر جاعادان باس شىعارىپ، ۇجىمنىڭ ۇيىمشىلدىعىمەن بىرلەسە اتقارعان قالالىق سەمينار كوپشىلىكتىڭ كوڭىلىنەن شىعا ءبىلدى. ءسوز سوڭىندا سەمينارعا قاتىسقان ارىپتەستەر ءوز ريزاشىلىقتارىن ءبىلدىرىپ، قازاق مەكتەپتەرىنىڭ جاندانۋىنا تىلەكشى بولدى. مەكتەپ باسشىسى جانىسباي تالعات ساعاتۇلى ەستەتيكالىق پاندەرى بىرلەستىگىنە، ارنايى كەلگەن ارىپتەستەرگە، ۇستازدارعا العىسىن ايتىپ، بۇل ءىس-شارا ءوز جالعاسىن تاباتىنىنا سەنىمىن ءبىلدىردى.
