ايماقتاعى سۋ تاسقىنىنان تۋىنداعان كۇردەلى الەۋمەتتىك-ەكونوميكالىق جاعدايدى ەسكەرە وتىرىپ، بارلىق مەرەكەلىك ءىس-شارالاردى ۇستامدى فورماتتا وتكىزۋ ۇسىنىلىپ وتىر. بارلىق ءىس-شارالاردى قوعامدىق-ماڭىزدى جانە الەۋمەتتىك-پايدالى باستامالاردى ىسكە اسىرۋ قاجەتتىلىگىنە ەرەكشە نازار اۋدارۋ ماڭىزدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ىشكى ساياسات باسقارماسى باسشىسىنىڭ ورىنباسارى جانداۋلەت قىلىشباەۆ ءمالىم ەتتى.
باسقارما باسشىسى ورىنباسارىنىڭ ايتۋىنشا، وتان قورعاۋشىلار كۇنى مەن جەڭىس كۇنىن مەرەكەلەۋ اسكەري ءداستۇردىڭ ساباقتاستىعىمەن، مەملەكەتتىڭ بەيبىتشىلىگى مەن تاۋەلسىزدىگىن ساقتاۋعا جانە ناسيحاتتاۋعا باعىتتالعان.
وتان قورعاۋشىلار كۇنىن مەرەكەلەۋ اياسىندا بۇقارالىق اقپارات قۇرالدارىندا جانە الەۋمەتتىك جەلىلەردە زارداپ شەككەندەرگە ءوزارا كومەك كورسەتۋ، قولداۋ، گۋمانيتارلىق كومەكتى جيناۋ جانە جونەلتۋ حرونيكاسى، قاراپايىم ازاماتتاردىڭ كۇشىمەن تۇرعىن ۇيلەردى، الەۋمەتتىك نىسانداردى قالپىنا كەلتىرۋ ءتارىزدى سيۋجەتتەر مەن بەينەروليكتەردى بەلسەندى ءتۇردى كورسەتۋ جانە تاراتۋ قامتاماسىز ەتىلەدى. سونداي-اق، جەرگىلىكتى اتقارۋشى ورگانداردىڭ ءبىرىنشى باسشىلارىنىڭ قاتىسۋىمەن سۋ تاسقىنىن جويۋعا بەلسەندى قاتىسقان ازاماتتاردى قولداۋ جانە كوتەرمەلەۋ بويىنشا سالتاناتتى ءىس-شارالار ۇيىمداستىرىلادى.
«وتان قورعاۋشىلار مەن جەڭىس كۇنىن مەرەكەلەۋدىڭ بىرىڭعاي مەركەلىك اتريبۋتى قوعامدا كەڭ قولداۋعا يە بولعان مەملەكەتتىك تۋ تۇسىندەگى پاتريوتتىق «جەڭىس لەنتاسى» بولىپ تابىلادى. بيىل ءبىزدىڭ قاھارمان باتىرلارىمىزدى ەسكە الۋعا ارنالعان «ەر ەسىمى – ەل ەسىندە» اتتى ونلاين اكتسياسى وسى ماقساتتا ارنايى قۇرىلعان پلاتفورمادا وتكىزىلەتىن بولادى. تمد ەلدەرىندەگى جانە جالپى الەمدەگى قازىرگى قيىن گەوساياسي جاعدايدى ەسكەرە وتىرىپ، ايماقتا بەيبىتشىلىك پەن كەلىسىمدى ساقتاۋ ءۇشىن «ماڭگىلىك پولك» شەرۋى بولمايدى. ەرىكتىلەر مەن جاستار ۇيىمدارىنىڭ بەلسەندىلەرى سوعىس ارداگەرلەرى مەن تىل ەڭبەككەرلەرىن قولداۋ ءۇشىن «ارداگەرلەرگە تاعزىم» قايىرىمدىلىق اكتسيالارىن وتكىزەدى. مادەنيەت ۇيىمدارىندا تاقىرىپتىق كورمەلەر، ەكسپوزيتسيالار، اسكەري-پاتريوتتىق تاقىرىپتاعى قويىلىمدار ۇيىمداستىرىلادى. ءبىلىم بەرۋ ۇيىمدارىندا سوعىس ارداگەرلەرى مەن اسكەري قىزمەتشىلەردىڭ قاتىسۋىمەن «ەرلىك ساباقتارى» وتكىزىلەدى. بۇل قازاقستاندىق باتىرلار تۋرالى بارلىق اقپاراتتى جيناقتاۋعا مۇمكىندىك بەرەدى»، - دەدى جانداۋلەت قىلىشباەۆ.
باسقارما باسشىسىنىڭ ورىنباسارى اتاپ وتكەندەي، مەرەكە قارساڭىندا سوعىس ارداگەرلەرىنە بىرجولعى تولەمدەر بەرىلەدى. سونىمەن بىرگە، سوعىس ارداگەرلەرىن جانە ولارعا تەڭەستىرىلگەن ادامدار ساناتتارىن كەشەندى الەۋمەتتىك-مەديتسينالىق تەكسەرۋ ايلىعى باستالادى.
مەرەكە قارساڭىندا اقمولا وبلىسىنىڭ اكىمى سوعىس ارداگەرلەرى مەن ولاردىڭ وتباسىلارىنا، سونداي-اق، مەملەكەتتىڭ قامقورلىعىندا قالعاندارعا بارىپ كەزدەسەدى.
وتان قورعاۋشىلار كۇنى مەن جەڭىس كۇنىنە وراي الەۋمەتتىك جەلىلەردە سوعىس ارداگەرلەرى مەن قازىرگى زامان باتىرلارى تۋرالى تاقىرىپتىق جوبالار مەن باعدارلامالار، كوركەم جانە دەرەكتى فيلمدەر، سيۋجەتتەر جاريالانادى.
بۇقارالىق اقپارات قۇرالدارىندا قارۋلى كۇشتەردىڭ اسكەري قىزمەتشىلەرى مەن ارداگەرلەرى تۋرالى تاقىرىپتىق ماتەريالدار، ماقالالار، سۇحباتتار، سونداي-اق الداعى مەرەكەلىك كۇندەرگە ارنالعان ارنايى ايدارلار مەن تەلەباعدارلامالار جارىق كورەدى.
جاستار ۇيىمدارىنىڭ، مادەنيەت وكىلدەرىنىڭ، بلوگەرلەر مەن جۋرناليستەردىڭ جانە قوعام بەلسەندىلەرىنىڭ قاتىسۋىمەن الەۋمەتتىك جەلىلەردە پاتريوتتىق اكتسيالار ىسكە قوسىلادى.
