Aimaqtaǧy su tasqynynan tuyndaǧan kürdelı äleumettık-ekonomikalyq jaǧdaidy eskere otyryp, barlyq merekelık ıs-şaralardy ūstamdy formatta ötkızu ūsynylyp otyr. Barlyq ıs-şaralardy qoǧamdyq-maŋyzdy jäne äleumettık-paidaly bastamalardy ıske asyru qajettılıgıne erekşe nazar audaru maŋyzdy. Būl turaly öŋırlık kommunikasiialar qyzmetınde ötken brifingte oblystyq ışkı saiasat basqarmasy basşysynyŋ orynbasary Jandäulet Qylyşbaev mälım ettı.
Basqarma basşysy orynbasarynyŋ aituynşa, Otan qorǧauşylar künı men Jeŋıs künın merekeleu äskeri dästürdıŋ sabaqtastyǧymen, memlekettıŋ beibıtşılıgı men täuelsızdıgın saqtauǧa jäne nasihattauǧa baǧyttalǧan.
Otan qorǧauşylar künın merekeleu aiasynda būqaralyq aqparat qūraldarynda jäne äleumettık jelılerde zardap şekkenderge özara kömek körsetu, qoldau, gumanitarlyq kömektı jinau jäne jöneltu hronikasy, qarapaiym azamattardyŋ küşımen tūrǧyn üilerdı, äleumettık nysandardy qalpyna keltıru tärızdı siujetter men beinerolikterdı belsendı türdı körsetu jäne taratu qamtamasyz etıledı. Sondai-aq, jergılıktı atqaruşy organdardyŋ bırınşı basşylarynyŋ qatysuymen su tasqynyn joiuǧa belsendı qatysqan azamattardy qoldau jäne kötermeleu boiynşa saltanatty ıs-şaralar ūiymdastyrylady.
«Otan qorǧauşylar men Jeŋıs künın merekeleudıŋ bıryŋǧai merkelık atributy qoǧamda keŋ qoldauǧa ie bolǧan memlekettık Tu tüsındegı patriottyq «Jeŋıs lentasy» bolyp tabylady. Biyl bızdıŋ qaharman batyrlarymyzdy eske aluǧa arnalǧan «Er esımı – el esınde» atty onlain aksiiasy osy maqsatta arnaiy qūrylǧan platformada ötkızıletın bolady. TMD elderındegı jäne jalpy älemdegı qazırgı qiyn geosaiasi jaǧdaidy eskere otyryp, aimaqta beibıtşılık pen kelısımdı saqtau üşın «Mäŋgılık polk» şeruı bolmaidy. Erıktıler men jastar ūiymdarynyŋ belsendılerı soǧys ardagerlerı men tyl eŋbekkerlerın qoldau üşın «Ardagerlerge taǧzym» qaiyrymdylyq aksiialaryn ötkızedı. Mädeniet ūiymdarynda taqyryptyq körmeler, ekspozisiialar, äskeri-patriottyq taqyryptaǧy qoiylymdar ūiymdastyrylady. Bılım beru ūiymdarynda soǧys ardagerlerı men äskeri qyzmetşılerdıŋ qatysuymen «Erlık sabaqtary» ötkızıledı. Būl qazaqstandyq batyrlar turaly barlyq aqparatty jinaqtauǧa mümkındık beredı», - dedı Jandäulet Qylyşbaev.Basqarma basşysynyŋ orynbasary atap ötkendei, mereke qarsaŋynda soǧys ardagerlerıne bırjolǧy tölemder berıledı. Sonymen bırge, soǧys ardagerlerın jäne olarǧa teŋestırılgen adamdar sanattaryn keşendı äleumettık-medisinalyq tekseru ailyǧy bastalady. Mereke qarsaŋynda Aqmola oblysynyŋ äkımı soǧys ardagerlerı men olardyŋ otbasylaryna, sondai-aq, memlekettıŋ qamqorlyǧynda qalǧandarǧa baryp kezdesedı. Otan qorǧauşylar künı men Jeŋıs künıne orai äleumettık jelılerde soǧys ardagerlerı men qazırgı zaman batyrlary turaly taqyryptyq jobalar men baǧdarlamalar, körkem jäne derektı filmder, siujetter jariialanady. Būqaralyq aqparat qūraldarynda Qaruly Küşterdıŋ äskeri qyzmetşılerı men ardagerlerı turaly taqyryptyq materialdar, maqalalar, sūhbattar, sondai-aq aldaǧy merekelık künderge arnalǧan arnaiy aidarlar men telebaǧdarlamalar jaryq köredı. Jastar ūiymdarynyŋ, mädeniet ökılderınıŋ, blogerler men jurnalisterdıŋ jäne qoǧam belsendılerınıŋ qatysuymen äleumettık jelılerde patriottyq aksiialar ıske qosylady.
