اقتوبە وبلىسىندا سۋ تاسقىنى سالدارىنان زارداپ شەككەن مال يەلەرىنە 215,7 ملن تەڭگە وتەماقى تولەندى. بۇل تۋرالى اقتوبە وبلىسى اكىمىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، اقتوبە وبلىسىندا سۋ تاسقىنى كەزىندە 3232 باس مال ءولدى. ءبارىنىڭ كوزى جويىلدى.
"وبلىستىق اۋىل شارۋاشىلىعى جانە جەر قاتىناستارى باسقارماسىنىڭ مالىمەتىنشە، بۇگىنگى كۇنى 1202 باس مالعا 215,7 ملن تەڭگە تولەندى", - دەپ جازىلعان حابارلامادا.
سونىمەن قاتار، تاسقىن سالدارىن جويۋ ماقساتىندا قۇرىلعان ارنايى كوميسسيا ءالى دە جۇمىستى جالعاستىرادى. شىعىندى ەسەپتەۋمەن قاتار وتەۋ دە قولعا الىنعان.
ايتا كەتەيىك، سۋ تاسقىنى كەزىندە قىرىلعان مال وتەماقىسىن تولەۋدىڭ الگوريتمى بار. ول ءۇشىن ولەكسەسى، سىرعاسى بولۋى كەرەك ءارى اۋىل شارۋاشىلىعى بازاسىندا تىركەلگەنى راستالادى.
