وزبەكستاننىڭ جوعارعى سوتى كسرو-دا قۋعىن-سۇرگىنگە ۇشىراعان ازاماتتاردى اقتادى، دەپ حابارلايدى “ادىرنا” ۇلتتىق پورتالى فەرعانا اگەنتتىگىنە سىلتەپ.
جوعارعى سوت سوتتالعان تاعى 205 ساياسي تۇتقىندى اقتادى. ەلدىڭ جوعارعى سوتىنىڭ مالىمەتىنشە سوڭعى جىلدارى اقتالعان وزبەكستان ازاماتتارىنىڭ جالپى سانى 1031-گە جەتكەن.
قۋعىن-سۇرگىن قۇرباندارىنىڭ قاتارىندا تاشكەنت سۋدياسى سادۋللا قاسىموۆ، 1930-1931 جىلدارى «قاسىموۆشىلار ىسىنە» قاتىسىپ، مەملەكەتتىك قىلمىس جاسادى دەگەن ايىپپەن ءولىم جازاسىنا جانە ۇزاق مەرزىمگە باس بوستاندىعىنان ايىرىلعان تاعى التى ادام بار. ولاردىڭ اتى بيىل اقتالىپ جاتىر.
سونىمەن قاتار، باس پروكۋرور 1930-1938 جىلدارى پارتيا ۇيىمدارىندا كەڭەس وكىمەتىنە قارسى ارەكەت جاسادى دەپ ايىپتالعان 198 ادامعا قاتىستى 11 قىلمىستىق ءىس بويىنشا كاسساتسيالىق شاعىم تۇسىرگەن.
جوعارعى سوت اتالعان ادامداردىڭ بارلىعىن رەسپۋبليكا قىلمىستىق ءىس جۇرگىزۋ كودەكسىنىڭ 83-بابى بويىنشا اقتادى.
