قازاقستاننىڭ بىرىككەن اراب امىرلىكتەرىندەگى ء(باا) ەلشىلىگىنىڭ كەڭەسشىسى ساكەن ماماشتىڭ ايەلى كارينا ماماش استاناداعى «قورعاۋ» داعدارىس ورتالىعىنا ورنالاستى. بۇل تۋرالى «قورعاۋ» داعدارىس ورتالىعى مالىمدەدى، دەپ حابارلايدى “ادىرنا” ۇلتتىق پورتالى.
«كارينانى اۋەجايدا ونىڭ جاقىن دوستارى كۇتىپ الدى، بىراق كۇيەۋىنىڭ تۋىستارى دا كەلدى. بالالارى ءۇشىن قورىققان ول داعدارىس ورتالىعىنا جۇگىنگەن. قازىرگى ۋاقىتتا ول اپكەسى جانە بالالارىمەن بىرگە داعدارىس ورتالىعىندا ورنالاسقان، پسيحولوگ پەن زاڭگەردىڭ كومەگى مەن قىزمەتىن الۋدا»، - دەپ حابارلادى «قورعاۋ» داعدارىس ورتالىعىنان.
ايتا كەتەيىك، «قورعاۋ» داعدارىس ورتالىعى – زورلىق-زومبىلىق كورگەن ايەلدەر مەن بالالارعا ارنالعان باسپانا. وندا ولار تەگىن پسيحولوگيالىق جانە زاڭگەرلىك كومەك الا الادى.
بۇعان دەيىن كارينا ماماش الەۋمەتتىك جەلىدە ەلشى كۇيەۋى ونى 10 جىل بويى ۇرعانىن مالىمدەگەن بولاتىن. 5 مامىردا ۇلكەن اپكەسىمەن بىرگە سوققىعا جىعىلعان.
كەيىن سىرتقى ىستەر مينيسترلىگى ساكەن ماماشتى قازاقستانعا شۇعىل شاقىرتىپ العانىن حابارلادىق.
