ىشكى ىستەر مينيسترلىگى اكىمشىلىك پوليتسيا كوميتەتىنىڭ توراعاسى قايسار سۇلتانباەۆ ماس كۇيىندە ستيۋاردەسسانى ۇرعان قازاقستاندىق انشىگە قاتىستى اقپارات ايتتى، دەپ حابارلايدى “ادىرنا” ۇلتتىق پورتالى.
“2024 جىلعى 17 قاڭتاردا استانا قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ازامات نۇرىمبەتوۆ اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، 15 اەك نەمەسە 55 380 تەڭگە اكىمشىلىك ايىپپۇل تۇرىندە جاۋاپكەرشىلىككە تارتىلدى”، - دەدى قايسار سۇلتانباەۆ.
الەۋمەتتىك جەلىدەگى اقپاراتتاردا بورتسەرىكتى ۇرعان ءانشىنىڭ باۋىرجان نۇرىمبەتوۆ ەكەنى ايتىلعان. باۋىرجان نۇرىمبەتوۆ «شىركىن life 2» تەلەشوۋىنىڭ جەڭىمپازى رەتىندە حالىققا تانىلعان. كوپتەگەن توك-شوۋلاردا ساراپشى بولعان.
ايتا كەتەيىك، FlyArystan اۋە كومپانياسى 18 جەلتوقسان كۇنى ۇشاقتا بولعان وقيعا تۋرالى ءمالىم ەتكەن. ۇشاقتا قازاقستاندىق تانىمال ءانشى ءارى اكتەر بورتسەرىككە شابۋىل جاساپ، ماڭدايىنان ۇرعان. سوندىقتان رەيس 1 ساعاتقا كەشىكتىرىلگەن. الايدا، اۋە كومپانيا ءارتىستىڭ اتى-ءجونىن جاريالاماعان ەدى.
