باتىس قازاقستان وبلىسىنىڭ پوليتسەيلەرى ەكى ايەلدى اياۋسىز سوققىعا جىققان وقيعاعا قاتىستى تەرگەۋ جۇمىستارىن باستادى. قازىر كۇدىكتى ۇستالىپ، ۋاقىتشا ۇستاۋ يزولياتورىنا قامالدى، - دەپ حابارلايدى "ادىرنا" پورتالى.
الەۋمەتتىك جەلىدە جان تۇرشىگەرلىك كادرلار تاراعانىن ايتا كەتەيىك. حابارلامالاردا ايەلدەردىڭ جەر استى وتكەلىندە ورنالاسقان ءدامحانادا ولتىرىلگەنى ايتىلعان.
پوليتسيا باستاپقىدا بۇل فوتوسۋرەتتەردىڭ جالعان ەكەنىن مالىمدەگەن، بىراق ءبىراز ۋاقىتتان كەيىن ولار حاتقا تۇسىنىكتەمە بەردى.
«8 ناۋرىز كۇنى تاڭعى ساعات بەستەر شاماسىندا اباي داڭعىلىنداعى «اندەرگراۋند» كافەسىندە بەلگىسىز بىرەۋ بۇزاقىلىق نيەتپەن ەكى ايەلگە دەنە جاراقاتىن سالىپ، دارىگەرلەر تەكسەرگەننەن كەيىن زارداپ شەككەندەر قالالىق كوپسالالى اۋرۋحاناعا جاتقىزىلدى. 2000 جىلى تۋىلعان ەر ادام انىقتالىپ، قولدانىلعان شارالارمەن قاماۋعا الىندى، اتالعان فاكتى بويىنشا قر قك 293-بابىنىڭ 2-بولىگىمەن «بۇزاقىلىق» سوتقا دەيىنگى تەرگەۋ امالدارى جۇرگىزىلۋدە)»، - دەپ حابارلادى بقو پد ءباسپاسوز قىزمەتى.
"ادىرنا" ۇلتتىق پورتالى
