ورتالىقتاندىرىلعان سۋ جۇيەسىنەن سۋدى زەرتتەۋ جۇمىستارى جۇرگىزىلدى. سۋ تاسقىنى باستالعاننان بەرى بارلىعى 1625 سۋ سىناماسى زەرتتەۋگە الىندى، ونىڭ ىشىندە 817 سىناما ميكروبيولوگيالىق زەرتتەۋلەرگە جانە 808 سىناما سانيتارلىق-حيميالىق زەرتتەۋلەرگە الىندى.
ورتالىقتاندىرىلماعان سۋمەن جابدىقتاۋدى زەرتتەۋ ءۇشىن سانيتارلىق-ميكروبيولوگيالىق 17 سىناما جانە سانيتارلىق-حيميالىق زەرتتەۋلەرگە 17 سىناما الىندى.
سۋدىڭ ساپاسى مەن قاۋىپسىزدىگىن زەرتحانالىق تالداۋ ناتيجەلەرى الىنعان بارلىق سىنامالاردا جۇقپالى اۋرۋلاردىڭ ءورشۋ قاۋپىنىڭ جوقتىعىن كورسەتتى.
سۋ كەتكەن اۋدانداردىڭ ەلدى مەكەندەرىندە، ياعني بايتەرەك، قاراتوبە، ءبورلى، تەرەكتى، سىرىم اۋداندارىنداعى تۇرعىن ۇيلەردى، سونداي-اق قازتالوۆ اۋدانىنىڭ سۋ باسقان 2 سۋ قۇبىرىن دەزينفەكتسيالاۋ شارالارى اياقتالىپ كەلەدى، ودان كەيىن سۋ ساراپتاماسى جۇرگىزىلدى.
بارلىعى 724 تۇرعىن ءۇي، 577 كارىز، 3 سۋ قۇبىرى (سىرىم اۋدانى قوسارال اۋىلىنىڭ 1 سۋ قۇبىرى، كازتالوۆ اۋدانى كازتالوۆكا جانە ءاجىباي اۋىلىنىڭ 2 سۋ قۇبىرى) دەزينفەكتسيالاندى.
سۋ قۇبىرلارىن دەزينفەكتسيالاۋدان كەيىن اۋىز سۋدىڭ ساپاسى مەن قاۋىپسىزدىگىنە زەرتحانالىق باقىلاۋ جۇرگىزىلىپ، ونىڭ ناتيجەلەرى نورماتيۆكە سايكەس ەكەندىگى انىقتالدى.
بۇدان بولەك، ورالداعى ساياجايلاردا دەزينفەكتسيالاۋ جۇمىستارى سۋ كەتكەن سوڭ باستالادى.
ايتا كەتەيىك، ەپيدەمياعا قارسى ءىس-شارالاردى جەرگىلىكتى اتقارۋشى ورگاندار جۇرگىزەدى جانە وبلىس اكىمىنىڭ تىكەلەي باقىلاۋىندا.
ايتا كەتەيىك، ەپيدەمياعا قارسى ءىس-شارالاردى جەرگىلىكتى اتقارۋشى ورگاندار جۇرگىزەدى جانە وبلىس اكىمىنىڭ تىكەلەي باقىلاۋىندا.
