پرەزيدەنت قاسىم-جومارت توقاەۆ سلوۆاكيا پرەمەر-مينيسترىنە جاسالعان قاستاندىقتى قاتاڭ ايىپتادى، دەپ حابارلايدى "ادىرنا" ۇلتتىق پورتالى اقورداعا سىلتەپ.
15 مامىردا سلوۆاكيا پرەمەر-ءمينيسترى روبەرت فيتسوعا قاستاندىق جاسالعان. قر پرەزيدەنتى بۇل تەررورلىق ارەكەتتى قاتاڭ ايىپتاپ، مۇنداي قاراۋلىقتى مۇلدە اقتاۋعا بولمايتىنىن مالىمدەدى.
"قازاقستان مەن سلوۆاكيانى ۇزاق جىلعى دوستىق پەن ءوزارا ءتيىمدى ىنتىماقتاستىق قاتىناستار بايلانىستىرادى. بۇل يگىلىكتى ىستە پرەمەر-مينيستر روبەرت فيتسو ەلەۋلى ءرول اتقاردى", - دەلىنگەن اقوردانىڭ ءباسپاسوز قىزمەتى تاراتقان حابارلامادا.
مەملەكەت باسشىسى قاسىم-جومارت توقاەۆ روبەرت فيتسونىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ۇقساس جاڭالىقتار
