قىرعىزستان پرەزيدەنتى سادىر جاپاروۆ قازاقستاندىق بلوگەر اناستاسيا احمەتوۆانىڭ مالىمدەمەسىنە بايلانىستى ۆيدەو ۇندەۋ جاريالادى، دەپ حابارلايدى «ادىرنا» ءتىلشىسى.
بۇعان دەيىن احمەتوۆا TikTok جەلىسىندە ىستىقكول ايماعىنداعى ۋراندى يگەرۋ ماسەلەسىن كوتەرگەن بولاتىن. ول ەۋرازيالىق اناليتيكالىق كلۋبتىڭ جەتەكشىسى نيكيتا مەندكوۆيچتىڭ «ينسايدەرلىك اقپاراتىنا» سىلتەمە جاساپ، «روتشيلدتەردىڭ فرانتسۋزدىق بولىمشەسى ۋران ءوندىرۋ قۇقىعىن الۋعا ىنتالى» دەگەن مالىمدەمە جاسادى. بلوگەر بۇل كەلىسسوزدەردىڭ ارتىندا قىرعىزستان مينيسترلەر كابينەتىنىڭ باسشىسى اقىلبەك جاپاروۆتىڭ تۇرعانىن اتاپ ءوتتى.
الايدا قىرعىستان پرەزيدەنتى بۇل اقپاراتتى جوققا شىعاردى.
«ەلدى تۇراقسىزداندىرۋدى قالايتىن سىرتقى كۇشتەر كوپ. قۇرمەتتى وتانداستار، اق پەن قارانى، دوس پەن جاۋدى ايىرۋلارىڭىزدى سۇرايمىن. قازىر ينتەرنەتتەگى ءاربىر اقپاراتتى تەكسەرۋ كەرەك. ءوز-ءوزىڭىزدى الداماڭىز. ءبىزدىڭ ىسىمىزگە ەشكىم ارالاسپاۋىن قاداعالاۋ كەرەك»،—دەدى سادىر جاپاروۆ .
