"توبىل" كومانداسى ەۋروپا ليگاسى جارىسىنان شىعىپ قالدى. قوستاناي وبلىسىنىڭ اكىمى ارحيمەد مۇحامبەتوۆ "توبىل" فۋتبول كلۋبىنىڭ ەڭ باستى جانكۇيەرىنىڭ ءبىرى. فۋتبول دەسە ىشكەن اسىن جەرگە قوياتىن باپكەر قوستانايلىق كوماندانى ورگە سۇيرەگىسى كەلىپ ەدى، بولمادى. كەزىندە ول باسقارعان اقتوبە وبلىسىنىڭ كومانداسى دا ەۋروپا ليگاسىندا جەڭىلىپ قالىپ، وپىق جەگەن. ءبىر قىزىعى وبلىس باسشىسى ءبىر قاتەلىكتە ەكى مارتە جاساپ وتىر. ول قالاي؟
"اقتوبە" فۋتبول كلۋبى ەستونيانىڭ ورتاڭقول ۇجىمى "نىممە كاليۋ" كومانداسىنان جەڭىلىپ ەۋروپا ليگاسىنان شىعىپ قالعان كەزدە ارحيمەد مۇحامبەتوۆ باس باپكەر ۆلاديمير گاززاەۆتى قىزمەتىنەن الىپ تاستادى. سەبەبى، جەرگىلىكتى جانكۇيەرلەر كوماندانىڭ بۇل ماسقارا جەڭىلىسىنە قاتتى سىن ايتتى. كەيىننەن قوستاناي وبلىسى اكىمى قىزمەتىنە تاعايىندالعان ارحيمەد مۇحامبەتوۆ "توبىل" كومانداسىنا قوماقتى قارجى ءبولىپ، فۋتبول كلۋبىنا كەرەمەت جاعدايلار جاسادى. قىس ايلارىندا فۋتبول ويناۋعا مۇمكىندىك بەرەتىن فۋتبول مانەجىنىڭ دە پايدا بولۋى تىكەلەي وسى كىسىنىڭ باستاماسى ارقىلى جۇزەگە استى. سوسىن "توبىل" فۋتبول كلۋبىنا باس باپكەر قىزمەتىنە وبلىس باسشىسىنىڭ نۇسقاۋىمەن ۆلاديمير گاززاەۆ تاعايىندالدى.
ەندى مىنەكەي، بىرنەشە جىل بۇرىنعى قاتەلىك قايتالانىپ، "توبىل" كومانداسى رەسەيلىك ماماننىڭ جاتتىقتىرۋىمەن ەۋروپ ليگاسىنىڭ العاشقى اينالىمىنان شىعىپ قالدى. مىقتى قارسىلاسقا تاپ بولىپ، ساتسىزدىكتىڭ كەسىرىنەن جەڭىلسە ماقۇل دەر ەدىك. بىراق، ولاي ەمەس. ليۋكسەمبۋرگ ەلىنىڭ كومانداسى "جەننەسكە" جەڭىلىپ قالعان "توبىل" ۇياتقا قالدى.
بۇل ماتچتىڭ "استانا ارەنادا" ءوتۋىنىڭ دە وزىندىك سەبەبى بار. ەل فۋتبولىنا قۇتتى ستاديونعا اينالعان بۇل كەشەندە قازىر قازاقستاننىڭ بارلىق كومانداسى ويىن وتكىزگىسى كەلەدى. سەبەبى، ەۋروپالىق كوماندالار مۇنداي جاساندى الاڭدا وزدەرىنىڭ بار شەبەرلىكتەرىن كورسەتە المايدى. سوندىقتان دا، "استانا ارەنادا" فۋتبول ويناۋ ءۇشىن قوستاناي قالاسىنىڭ اۋەجايى جوندەۋ جۇمىستارىن وتكىزىپ، سول سەبەپتەن فۋتبول كومانداسى ءوز الاڭىنداعى ماتچتارىن نۇر-سۇلتان قالاسىندا وتكىزەتىن بولىپ شەشىلدى. بۇل جاعدايدىڭ بارلىعىن ۇيىمداستىرۋعا سەپتىگىن تيگىزگەن ارينە - وبلىس باسشىسى. الايدا، فۋتبولشىلار، اسىرەسە باپكەرلىك شتاب لاۋازىمدى تۇلعانىڭ بار ەڭبەگىن زايا كەتىردى.
ويىن تەڭ اياقتالىپ، "جەننەس" كومانداسى كەلەسى كەزەڭگە وتىسىمەن ءبىز بۇل ۇجىمنىڭ باس باپكەرى نيكوليا حايسمانعا ەكى ساۋال جولداپ ۇلگەردىك.
- ءسىزدىڭ كومانداڭىزدىڭ ءبىر جىلدىق بيۋدجەتى قانداي؟
- ءبىزدىڭ بيۋدجەتىمىز "توبىلدان" 6 ەسە كەم دەپ ويلايمىن. سەبەبى ءبىزدىڭ جىلدىق بيۋدجەتىمىز 500 مىڭ ەۋرو.
- كومانداڭىزداعى ويىنشىلار فۋتبولدان وزگە دە ماماندىقتاردىڭ يەسى شىعار. ولار باسقا جۇمىس ىستەي مە؟
- ءيا، ونىڭىزبەن كەلىسەمىن. ءبىزدىڭ كوماندا وسىدان 13 كۇن بۇرىن جينالىپ جاتتىعۋ جۇمىستارىن باستادى. ولاردىڭ كوبىسى كۇندىز ءوز جۇمىستارىندا جۇرەدى دە، كەشكە جاتتىعۋعا كەلەدى. سوندىقتان دا بىزدە "توبىلعا" قارسى دايىندالۋعى كوپ مۇمكىندىك بولمادى.
ەرمۇحامەد ماۋلەن
inbusiness.kz
