ۇجىمدىق قاۋىپسىزدىك شارتى ۇيىمى (ۇقشۇ) قازاقستاننىڭ گولان بيىكتەرىندەگى بىتىمگەرشىلىك ميسسياسىنا قاتىستى 25 ماۋسىمدا مالىمدەمە جاسادى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
«ۇقشۇ تۇراقتى كەڭەسى قازاقستان رەسپۋبليكاسىنىڭ ۇلتتىق بىتىمگەرشىلىك كونتينگەنتىنىڭ گولان بيىكتەرىندەگى قارۋسىزدانۋدى باقىلايتىن بۇۇ كۇشتەرىنىڭ قۇرامىنا تاۋەلسىز قاتىسۋىن قۇپتايدى. ۇقشۇ-نىڭ بىتىمگەرشىلىك كۇشتەرىنىڭ الەۋەتىن ودان ءارى ارتتىرۋ جانە ولاردىڭ مۇمكىندىكتەرىنىڭ اۋقىمىن كەڭەيتۋ»، - دەلىنگەن ۇقشۇ ءباسپاسوز قىزمەتى ماتىنىنەن ءۇزىندى كەلتىرگەن مالىمدەمەدە.
ۇيىم ۇقشۇ بىتىمگەرشىلىك كۇشتەرى كونتينگەنتتەرىن ۇلتتىق باعدارلامالار بويىنشا دا، ۇقشۇ-نىڭ «مىزعىماس باۋىرلاستىق» تۇراقتى بىرلەسكەن بىتىمگەرشىلىك وقۋ-جاتتىعۋلارى فورماتىندا دا، ونىڭ ىشىندە بۇۇ ستاندارتتارىن ەسكەرە وتىرىپ، جۇيەلى وقىتۋدى جالعاستىرۋ تۋرالى حابارلادى.
«ۇقشۇ بىتىمگەرشىلىك كۇشتەرىنىڭ بۇۇ بىتىمگەرشىلىك وپەراتسيالارىنا ىقتيمال قاتىسۋى اياسىندا ۇقشۇ-نىڭ 2025 جىلعا دەيىنگى كەزەڭگە ارنالعان ۇجىمدىق قاۋىپسىزدىك ستراتەگياسىنىڭ ەرەجەلەرىن ۇستانا وتىرىپ، ۇيىمعا مۇشە مەملەكەتتەردىڭ ءوزارا ءىس-قيمىلعا دايىندىعىن راستايدى»، - دەلىنگەن حابارلامادا.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز