ارمەنيا قازىرگى كەزەڭدە ۇقشۇ-دان شىعۋ ماسەلەسىن تالقىلاپ جاتقان جوق. بۇل تۋرالى ەلدىڭ سىرتقى ىستەر ءمينيسترىنىڭ ورىنباسارى مناتساكان سافاريان مالىمدەدى، دەپ حابارلايدى «ادىرنا» ءتىلشىسى.
«قازىر ارمەنيانىڭ ۇقشۇ-دان شىعۋى ماسەلەسى سىرتقى ىستەر مينيسترلىگىنىڭ كۇن تارتىبىندە جوق. بىزگە مۇنداي مىندەت قويىلعان ەمەس»، — دەدى ول.
ونىڭ ايتۋىنشا، ارمەنيانىڭ ۇقشۇ باعىتىنداعى ۇستانىمى مەن ءوزارا ءىس-قيمىل فورماتى بەلگىلى.
ء«بىز ۇقشۇ جۇمىسىنا قاتىسپايمىز، بىراق شەشىمدەر نەمەسە قۇجاتتار قابىلداۋ پروتسەسىنە كەدەرگى جاسامايمىز. قازىرگى كەزەڭدەگى ءبىزدىڭ ساياسات — وسى. ارمەنيا سىرتقى ساياساتىن ءوز مۇددەلەرى مەن قالىپتاسىپ جاتقان جاعدايعا قاراي جۇرگىزەدى»، — دەپ اتاپ ءوتتى سافاريان.
ەسكە سالايىق، 2024 جىلدىڭ شىلدەسىندە پرەمەر-مينيستر نيكول پاشينيان ارمەنيانىڭ ۇقشۇ-دان شىعۋى «ەڭ ىقتيمال نۇسقا» ەكەنىن ايتقان ەدى.
