قازاقستاندىق ۆاليۋتا جاڭا رەكورد ورناتتى. قازاقستان قور بيرجاسىنداعى ساۋدا ناتيجەسىندە 29 شىلدەدە دوللاردىڭ ورتاشا باعامى 385,1 تەڭگە بولدى. 26 شىلدەدەگى قورىتىندىمەن سالىستىرعاندا (384,92 تەڭگە) ۇلتتىق ۆاليۋتا باعامى 0,05% (0,18 تەڭگەگە) تومەندەدى. كاسە-دە مۇنداي ءبىرىنشى رەت ورىن الىپ تۇر دەپ حابارلايدى adyrna.kz اقپارات اگەنتتىگى كتك ارناسىنا سىلتەمە جاساپ.
دوللار باعامى دۇيسەنبى كۇنى تاڭەرتەڭنەن باستاپ قىمباتتاي تۇسكەن.
جۇما كۇنگى ساۋدا-ساتتىقپەن سالىستىرعاندا دوللار ءبىر كۇنگە نەبارى 18 تەڭگەگە وستى. بيرجانىڭ جابىلۋ ساتىندە ول 385 تەڭگە جانە 10 تيىن بولدى. ال ەۋرو مەن رۋبل جانە يۋان كەرىسىنشە ارزانداعان. قارجىگەرلەر بۇل اپتا قازاقستاندىق ۆاليۋتا ءۇشىن قىزىق بولۋى مۇمكىن ەكەنىن ايتادى.
سونىمەن قاتار، ساراپشىلار سارسەنبىگە جوسپارلانعان اقش فەدەرالدى رەزەرۆىنىڭ وتىرىسىن كۇتۋدە. بۇل تاريحتا قالۋى مۇمكىن. 10 جىل ىشىندە العاش رەت فرج (فەدەرالدىق رەزەرۆ جۇيەسى) بازالىق مولشەرلەمەنى 25 پايىزعا تومەندەتەدى دەپ كۇتىلۋدە. بۇل دوللاردىڭ قۇلدىراۋىنا اكەلۋى كەرەك.
"ادىرنا" ۇلتتىق پورتالى
