"شىنىمدا ايتسام، ازىرشە پىكىر بىلدىرەمىن دەپ ويلاعان جوق ەدىم. وزدەرىڭىز كورگەندەي، مەن Instagram جەلىسىندە ءوزىمنىڭ ۇستانىمىم تۋرالى پوست جازعان ەدىم. پرەزيدەنتتىڭ شەشىمى تالقىلانبايدى. كەز كەلگەن ادامنىڭ باسىندا بولىپ جاتقان جايت، ءوزىنىڭ جەكە جاۋاپكەرشىلىگى. مەن جاۋاپتى ادام رەتىندە بارلىعىن تۇسىنەمىن. ءبىز ساياسي مەملەكەتتىك قىزمەتكەرلەرمىز. ساياساتتا مۇنداي جاعدايلار بولىپ تۇرادى، ەرەكشە ەشتەڭە كورىپ تۇرعان جوقپىن. سوندىقتان مەن ءوز وتانىمنىڭ پاتريوتىمىن. مەن قازاقستاندا تۇرىپ، ەلىمدە قىزمەت ەتەمىن (...) مەندە ءبارى جاقسى", - دەپ جازبا قالدىرعان عابيدوللا ءابدىراحىموۆ. سونىمەن قاتار، ەكس-اكىم ءوزىنىڭ لوندونداعى ەكىكۇندىك ساپارىندا تۇسىرگەن ۆيدەو جايلى دا پىكىرىن ءبىلدىردى. عابيدوللا ءابدىراحىموۆ لوندونداعى ساپارى: قازاقستاندا تۇرىپ، ەلگە قىزمەت ەتۋ كەرەك. "جاڭا اكىمدى تاعايىنداعان كەزدە اكىمشىلىك جەتەكشىسى ءبارىن، باسشىلىق ۇستانىمى ەكەنىن ايتتى. شىنى كەرەك، ول (ۆيدەو) وتانىنان جىراق كەتپەۋ ءۇشىن جاستاردى ىنتالاندىرۋ ماقساتىندا تۇسىرىلگەن ەدى. قازاقستاندا الەمدى ارالاۋ ءۇشىن بارلىق جاعداي جاسالعان. ءبىزدىڭ ەلدە كاسىپپەن اينالىسىپ، اكىمدەردەن دە كوپ قاراجات تابۋعا بولادى. سونداي شەشىم قابىلدانعاننان كەيىن، مەن ونى تالقىلامايمىن. ءبىز باسشىلىقتىڭ شەشىمىن تالقىلامايتىن ساربازبىز", - دەيدى ەكس-باسشى. سونداي-اق عابيدوللا ءابدىراحىموۆ بولاشاق جوسپارلارى تۋرالى كەيىنىرەك بولىسەتىنىن ايتتى. "ازىرشە قۇپيا رەتىندە ساقتاي تۇرۋعا رۇقسات ەتىڭىزدەر. ۋاقىتى كەلگەندە بارلىعىن بىلەتىن بولاسىزدار", - دەيدى عابيدوللا ءابدىراحىموۆ. "ارينە ەلىمىزدە بولىپ جاتقان جاعدايلارعا بەي-جاي قاراي المايمىن. مەن ءوز ۇستانىمىمدى ءبىلدىرىپ، ءوز جۇمىستارىمدى ءبولىسىپ وتىرامىن. ەشقايدا جاسىرىنىپ نەمەسە قاشىپ كەتەتىن ويىم جوق. مەن قىلمىسكەر ەمەسپىن. مەن - وتانىمنىڭ ادال ازاماتىمىن. 20 جىل مەملەكەتتىك قىزمەتتە جۇمىس ىستەدىم. وسى ءۇشىن ەلىمىز بەن ەلباسى نۇرسۇلتان ءابىشۇلى نازارباەۆ پەن پرەزيدەنت قاسىم-جومارت توقاەۆقا العىسىم شەكسىز. مەنىڭ ويىمشا، بۇل ماعان ارتىلعان زور سەنىم. مەن تەك جاعىمدى ەموتسيالارعا تولىمىن، مەندە ءبارى جاقسى", - دەيدى جازباسىندا ەكس-اكىم. سونىمەن قاتار ەكس-باسشى مەملەكەتتىك قىزمەت تۋرالى دا ويىن ايتتى. "جوق، مەن مەملەكەتتىك قىزمەتتى ساعىناتىن بولامىن دەپ ايتا المايمىن. بۇل دا ءبىر كەزەڭ بولدى، ەندى جاڭا كەزەڭ باستالادى، بۇل قالىپتى جاعداي عوي. ءومىر جۇمىسپەن شەكتەلىپ قالمايدى. توقتاپ قالۋعا بولمايدى. العا قاراي جىلجىپ، جاقىندارىما، قوعامعا پايدالى ىسپەن اينالىسۋ كەرەك. مەملكەتتىك قىزمەتتە جۇمىس ىستەمەي-اق قوعامعا كومەكتەسۋگە بولادى. مەنىڭ ويىمشا كاسىپكەرلەر قوعامعا بەلسەنە كومەكتەسىپ جاتىر: ولار سالىق تولەيدى، جاقسىلىق جاساپ، زاۋىت-فابريكالار سالىپ جاتىر", - دەيدى عابيدوللا ءابدىراحىموۆ. عابيدوللا ءابدىراحىموۆتىڭ ايتۋىنشا، ول نۇر-سۇلتان قالاسىندا تۇراتىن بولادى. ەكس-باسشى نەسىمەن ەستە قالدى. عابيدوللا ءابدىراحىموۆ شىمكەنت قالاسى اكىمىنىڭ قىزمەتىنەن بوساتىلدى. ونىڭ ورنىنا ەرلان ايتاحانوۆ كەلدى. پرەزيدەنت اكىمشىلىگىنىڭ باسشىسى قىرىمبەك كوشەرباەۆ بۇل شەشىمدى ءابدىراحىموۆتىڭ "ەل باسشىلىعىنىڭ قولداۋى مەن سەنىمىن العان، بىراق ونى جەتكىلىكتى دارەجەدە جۇزەگە اسىرماعاندىعىمەن" ءتۇسىندىردى.
"ادىرنا" ۇلتتىق پورتالى
