"Şynymda aitsam, äzırşe pıkır bıldıremın dep oilaǧan joq edım. Özderıŋız körgendei, men Instagram jelısınde özımnıŋ ūstanymym turaly post jazǧan edım. Prezidenttıŋ şeşımı talqylanbaidy. Kez kelgen adamnyŋ basynda bolyp jatqan jait, özınıŋ jeke jauapkerşılıgı. Men jauapty adam retınde barlyǧyn tüsınemın. Bız saiasi memlekettık qyzmetkerlermız. Saiasatta mūndai jaǧdailar bolyp tūrady, erekşe eşteŋe körıp tūrǧan joqpyn. Sondyqtan men öz Otanymnyŋ patriotymyn. Men Qazaqstanda tūryp, elımde qyzmet etemın (...) Mende bärı jaqsy", - dep jazba qaldyrǧan Ǧabidolla Äbdırahymov. Sonymen qatar, eks-äkım özınıŋ Londondaǧy ekıkündık saparynda tüsırgen video jaily da pıkırın bıldırdı. Ǧabidolla Äbdırahymov Londondaǧy sapary: Qazaqstanda tūryp, elge qyzmet etu kerek. "Jaŋa äkımdı taǧaiyndaǧan kezde Äkımşılık jetekşısı bärın, basşylyq ūstanymy ekenın aitty. Şyny kerek, ol (video) Otanynan jyraq ketpeu üşın jastardy yntalandyru maqsatynda tüsırılgen edı. Qazaqstanda älemdı aralau üşın barlyq jaǧdai jasalǧan. Bızdıŋ elde käsıppen ainalysyp, äkımderden de köp qarajat tabuǧa bolady. Sondai şeşım qabyldanǧannan keiın, men ony talqylamaimyn. Bız basşylyqtyŋ şeşımın talqylamaityn sarbazbyz", - deidı eks-basşy. Sondai-aq Ǧabidolla Äbdırahymov bolaşaq josparlary turaly keiınırek bölısetının aitty. "Äzırşe qūpiia retınde saqtai tūruǧa rūqsat etıŋızder. Uaqyty kelgende barlyǧyn bıletın bolasyzdar", - deidı Ǧabidolla Äbdırahymov. "Ärine elımızde bolyp jatqan jaǧdailarǧa bei-jai qarai almaimyn. Men öz ūstanymymdy bıldırıp, öz jūmystarymdy bölısıp otyramyn. Eşqaida jasyrynyp nemese qaşyp ketetın oiym joq. Men qylmysker emespın. Men - Otanymnyŋ adal azamatymyn. 20 jyl memlekettık qyzmette jūmys ıstedım. Osy üşın elımız ben Elbasy Nūrsūltan Äbışūly Nazarbaev pen Prezident Qasym-Jomart Toqaevqa alǧysym şeksız. Menıŋ oiymşa, būl maǧan artylǧan zor senım. Men tek jaǧymdy emosiialarǧa tolymyn, mende bärı jaqsy", - deidı jazbasynda eks-äkım. Sonymen qatar eks-basşy memlekettık qyzmet turaly da oiyn aitty. "Joq, men memlekettık qyzmettı saǧynatyn bolamyn dep aita almaimyn. Būl da bır kezeŋ boldy, endı jaŋa kezeŋ bastalady, būl qalypty jaǧdai ǧoi. Ömır jūmyspen şektelıp qalmaidy. Toqtap qaluǧa bolmaidy. Alǧa qarai jyljyp, jaqyndaryma, qoǧamǧa paidaly ıspen ainalysu kerek. Memlkettık qyzmette jūmys ıstemei-aq qoǧamǧa kömektesuge bolady. Menıŋ oiymşa käsıpkerler qoǧamǧa belsene kömektesıp jatyr: olar salyq töleidı, jaqsylyq jasap, zauyt-fabrikalar salyp jatyr", - deidı Ǧabidolla Äbdırahymov. Ǧabidolla Äbdırahymovtyŋ aituynşa, ol Nūr-Sūltan qalasynda tūratyn bolady. Eks-basşy nesımen este qaldy. Ǧabidolla Äbdırahymov Şymkent qalasy äkımınıŋ qyzmetınen bosatyldy. Onyŋ ornyna Erlan Aitahanov keldı. Prezident Äkımşılıgınıŋ basşysy Qyrymbek Köşerbaev būl şeşımdı Äbdırahymovtyŋ "el basşylyǧynyŋ qoldauy men senımın alǧan, bıraq ony jetkılıktı därejede jüzege asyrmaǧandyǧymen" tüsındırdı.
"Adyrna" ūlttyq portaly
