مەملەكەت باسشىسى قاسىم-جومارت توقاەۆ پرەزيدەنت ەمومالي راحموندى تاجىكستاننىڭ تاۋەلسىزدىك كۇنىمەن قۇتتىقتادى، دەپ حابارلايدى «ادىرنا» ءتىلشىسى.
«قاسىم-جومارت كەمەلۇلى قۇتتىقتاۋ جەدەلحاتىندا ەمومالي راحموننىڭ پاراساتتى كوشباسشىلىعىمەن تاجىكستاننىڭ ماڭىزدى ساياسي جانە الەۋمەتتىك-ەكونوميكالىق رەفورمالاردى جۇيەلى تۇردە جۇزەگە اسىرىپ، مەملەكەتتىلىكتى نىعايتۋ جولىندا سەنىمدى قادام باسىپ كەلە جاتقانىن، حالىقارالىق ارەنادا ابىرويى جوعارى ەكەنىن اتاپ ءوتتى.
مەملەكەت باسشىسى تاۋەلسىزدىك جىلدارىندا قازاقستان مەن تاجىكستان ستراتەگيالىق سەرىكتەستىك جانە وداقتاستىق رۋحىنداعى ءوزارا ءتيىمدى قارىم-قاتىناس ورناتقانىن، بۇل ەكى حالىقتىڭ مۇددەسىنە ساي كەلەتىنىن جەتكىزدى»،—دەپ جازدى بۇگىن اقوردانىڭ ءباسپاسوز قىزمەتى.
قاسىم-جومارت كەمەلۇلى تاجىكستان پرەزيدەنتىنىڭ جاۋاپتى مەملەكەتتىك قىزمەتىنە تابىس، ال باۋىرلاس تاجىك حالقىنا باق-بەرەكە تىلەدى.
