بۇگىن ءبىلىم كۇنىندە سارالجىندىق بالاقايلار جاڭا وقۋ جىلىن جاڭا ءبىلىم ورداسىندا باستادى. اۋىل حالقىنىڭ كوپتەن كۇتكەن قۋانىشىنا وبلىس اكىمىنىڭ ورىنباسارى قايىرجان مەڭدىعاليەۆ، اۋدان اكىمى اسلانبەك سارقۇلوۆ قاتىسىپ، سارالجىندىقتاردى قۇتتىقتادى.
ءبىلىم كۇنىنە وراي پايدالانۋعا بەرىلىپ وتىرعان 60 ورىندىق مەكتەپتىڭ اشىلۋ سالتاناتىندا ءسوز العان وبلىس اكىمىنىڭ ورىنباسارى قايىرجان مەڭدىعاليەۆ:
— بارشاڭىزدى ءبىلىم كۇنىمەن بىرگە كەلگەن زور قۋانىش، مىناداي كەرەمەت مەكتەپتىڭ اشىلۋىمەن وبلىس اكىمى ناريمان تورەعاليۇلىنىڭ اتىنان قۇتتىقتايمىن! بۇل — مەملەكەتىمىزدىڭ سىزدەرگە، اۋىلدا وتىرعان قايسار حالىققا، اۋىلدا تۋىپ، اۋىلدا ءوسىپ كەلە جاتقان بالدىرعاندارعا تارتۋى. وسى جىلى پرەزيدەنتىمىزدىڭ تاپسىرماسىمەن وبلىسىمىزدا 11 مەكتەپ سالىنسا، سونىڭ ءبىرى — وسى! بۇل مەكتەپتى كپو ب.ۆ. كومپانياسى وبلىس الدىنداعى الەۋمەتتىك مىندەتتەمەلەرىنىڭ اياسىندا سالىپ بەرىپ وتىر— دەگەن وبلىس اكىمىنىڭ ورىنباسارى مەكتەپ ۇجىمى مەن وقۋشىلارعا جىلى لەبىزىن ءبىلدىردى.
جاڭا مەكتەپتىڭ اشىلۋ سالتاناتىنا وبلىس جانە اۋدان باسشىلىعىمەن قاتار، كازتالوۆ اۋدانىنىڭ «قۇرمەتتى ازاماتى»، ارداگەر ۇستاز، اقىن-جازۋشى، قوعام قايراتكەرى داريعا مۇشتانوۆا، قاراشىعاناق پەترولەۋم ويوپەرەيتينگ ب.ۆ. كومپانياسىنىڭ مەنەدجەرى قايرات بيماعامبەتوۆ جانە دە ءبىلىم سالاسىنىڭ قىزمەتكەرلەرى، قوعامدىق ۇيىمدار مەن باق وكىلدەرى قاتىستى.
سارالجىن ەلدى مەكەنىندە ءماجيت ءجۇنىسوۆ اتىنداعى نەگىزگى ورتا مەكتەبىنىڭ ەسكى عيماراتى 1989 جىلى سالىنعان. 2024 جىلى قولدانىسقا بەرىلگەن جاڭا مەكتەپ عيماراتىنىڭ قۋاتتىلىعى 60 ورىنعا ەسەپتەلگەن. جالپى قۇنى – 750 ملن تەڭگە. مەردىگەر - «اقساي ستروي سەرۆيس» جشس. مەكتەپ جاڭا وقۋ كابينەتتەرىمەن جابدىقتالعان. مەكتەپ اۋلاسىندا شاعىن فۋتبول الاڭى، باسكەتبول، جۇگىرۋ الاڭدارى جانە دەمالۋ ورنى بار.
سارالجىن — قۇتتى مەكەن. توپىراعىن تۇرتسە تاريحى كورىنەر كيەلى اۋىلدا ەل اناسى، قوعام قايراتكەرى، اقىن-جازۋشى داريعا مۇشتانوۆا دۇنيەگە كەلگەن. جاڭا ءبىلىم ورداسىندا تۋعان جەرىن التى الاشقا تانىتىپ، ابىرويىن اسقاقتاتقان اقىننىڭ اتىندا ارنايى سىنىپ اشىلدى.
اۋىلىم اتا قونىس قۇت مەكەنىم،
بابالار ايتىپ كەتكەن قۇتتى ەكەنىن.
قياعا قانات قاعىپ پەرزەنتتەرى،
تانىتقان توپىراعىنىڭ مىقتى ەكەنىن، — دەپ جىرلاعان داريعا عازەزقىزى سىنىبىنىڭ تۇساۋىن وبلىس اكىمىنىڭ ورىنباسارى قايىرجان مەڭدىعاليەۆ، كازتالوۆ اۋدانىنىڭ «قۇرمەتتى ازاماتى» بايان قابيەۆامەن بىرگە كەسىپ، شاكىرتتەرگە اق باتاسىن بەردى.
قايماعى بۇزىلماي، وركەنيەتكە قادام باسقان اۋىل حالقى ساۋلەتى كەلىسكەن، زامانعا ساي ءبىلىم ورداسىنىڭ بوي كوتەرگەنى ءۇشىن وبلىس جانە اۋدان باسشىلىعىنا ريزاشىلىقتارىن ءبىلدىردى.
جاڭا مەكتەپتىڭ اشىلۋ سالتاناتىنا وبلىس جانە اۋدان باسشىلىعىمەن قاتار، كازتالوۆ اۋدانىنىڭ «قۇرمەتتى ازاماتى»، ارداگەر ۇستاز، اقىن-جازۋشى، قوعام قايراتكەرى داريعا مۇشتانوۆا، قاراشىعاناق پەترولەۋم ويوپەرەيتينگ ب.ۆ. كومپانياسىنىڭ مەنەدجەرى قايرات بيماعامبەتوۆ جانە دە ءبىلىم سالاسىنىڭ قىزمەتكەرلەرى، قوعامدىق ۇيىمدار مەن باق وكىلدەرى قاتىستى.
سارالجىن ەلدى مەكەنىندە ءماجيت ءجۇنىسوۆ اتىنداعى نەگىزگى ورتا مەكتەبىنىڭ ەسكى عيماراتى 1989 جىلى سالىنعان. 2024 جىلى قولدانىسقا بەرىلگەن جاڭا مەكتەپ عيماراتىنىڭ قۋاتتىلىعى 60 ورىنعا ەسەپتەلگەن. جالپى قۇنى – 750 ملن تەڭگە. مەردىگەر - «اقساي ستروي سەرۆيس» جشس. مەكتەپ جاڭا وقۋ كابينەتتەرىمەن جابدىقتالعان. مەكتەپ اۋلاسىندا شاعىن فۋتبول الاڭى، باسكەتبول، جۇگىرۋ الاڭدارى جانە دەمالۋ ورنى بار.
سارالجىن — قۇتتى مەكەن. توپىراعىن تۇرتسە تاريحى كورىنەر كيەلى اۋىلدا ەل اناسى، قوعام قايراتكەرى، اقىن-جازۋشى داريعا مۇشتانوۆا دۇنيەگە كەلگەن. جاڭا ءبىلىم ورداسىندا تۋعان جەرىن التى الاشقا تانىتىپ، ابىرويىن اسقاقتاتقان اقىننىڭ اتىندا ارنايى سىنىپ اشىلدى.
اۋىلىم اتا قونىس قۇت مەكەنىم،
بابالار ايتىپ كەتكەن قۇتتى ەكەنىن.
قياعا قانات قاعىپ پەرزەنتتەرى،
تانىتقان توپىراعىنىڭ مىقتى ەكەنىن، — دەپ جىرلاعان داريعا عازەزقىزى سىنىبىنىڭ تۇساۋىن وبلىس اكىمىنىڭ ورىنباسارى قايىرجان مەڭدىعاليەۆ، كازتالوۆ اۋدانىنىڭ «قۇرمەتتى ازاماتى» بايان قابيەۆامەن بىرگە كەسىپ، شاكىرتتەرگە اق باتاسىن بەردى.
قايماعى بۇزىلماي، وركەنيەتكە قادام باسقان اۋىل حالقى ساۋلەتى كەلىسكەن، زامانعا ساي ءبىلىم ورداسىنىڭ بوي كوتەرگەنى ءۇشىن وبلىس جانە اۋدان باسشىلىعىنا ريزاشىلىقتارىن ءبىلدىردى.
