انتيكور "استانا بانكى" اق بۇرىنعى اكتسيونەرىن جاۋاپ الۋعا شاقىردى

«استانا بانكى» اق-نىڭ بۇرىنعى اكتسيونەرى ولجاس توقتاروۆ جاۋاپ الۋعا شاقىرتىلدى، دەپ حابارلايدى "ادىرنا" ۇلتتىق پورتالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەپ.  «قر قىلمىستىق ءىس جۇرگىزۋ كودەكسىنىڭ 208-بابىنىڭ 1-بولىگىنە سايكەس، كۇدىكتى جاۋاپقا شاقىرۋ قاعازى بويىنشا شاقىرىلادى. الايدا، كۇدىكتى و.توقتاروۆتىڭ قازاقستان رەسپۋبليكاسىنان تىس جەردە بولۋىنا جانە كەلۋدەن جالتارۋىنا بايلانىستى سىبايلاس جەمقورلىققا قارسى قىزمەت قازاقستان رەسپۋبليكاسى قىلمىستىق-پروتسەستىك كودەكسىنىڭ 205-بابىنىڭ 3-بولىگىن (بۇقارالىق اقپارات قۇرالدارى ارقىلى كۇدىكتىنى شاقىرۋ) باسشىلىققا الا وتىرىپ، حابارلاما جاريالايدى»، - دەلىنگەن حابارلامادا. قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى «استانا بانكى» اق بۇرىنعى ماجوريتارلىق اكتسيونەرى ولجاس توقتاروۆقا جانە باسقا دا تۇلعالارعا جالعان اگەنتتىك قىزمەت كورسەتۋ جانە بانك اكتيۆتەرىن اسا ءىرى كولەمدە ۇرلاۋ فاكتىسى بويىنشا سونداي-اق، ءوز باقىلاۋىنداعى «SKK Tennasy Group» جشس پايداسىنا الماتى قالاسى، قوبدولوۆ كوشەسى، 22 «ب» بيزنەس ورتالىعىنىڭ عيماراتىن زاڭسىز يەلىكتەن شىعارۋىنا قاتىستى قىلمىستىق ءىس قوزعاپ وتىر. قازىرگى ۋاقىتتا اۋىر قىلمىس جاساۋ بويىنشا تەرگەۋمەن جينالعان دالەلدەمەلەر كۇدىكتى توقتاروۆتىڭ ارەكەتىن قىلمىستىق كودەكستىڭ 28-بابىنىڭ 3-بولىگى، 189-بابىنىڭ 4-بولىگىنىڭ 2-تارماعى جانە 189-بابىنىڭ 4-بولىگىنىڭ 2-تارماعىمەن سارالاۋعا مۇمكىندىك بەرگەنى حابارلاندى.