الماتىداعى سەيسمولوگيالىق ورتالىقتى جوندەۋ ءۇشىن جوبالىق-سمەتالىق قۇجاتتامانى (جسق) ازىرلەۋگە شامامەن 174,5 ميلليون تەڭگە جۇمسالۋى مۇمكىن، دەپ حابارلايدى "ادىرنا" ۇلتتىق پورتالى.
«تاپسىرىس بەرۋشى – «الماتى قالاسىنىڭ قۇرىلىس باسقارماسى» كمم; سيپاتتامالارى – «سەيسمولوگيالىق باقىلاۋلار جانە زەرتتەۋلەر ۇلتتىق عىلىمي ورتالىعىنىڭ عيماراتىن قايتا قۇرۋ» جوبالىق قۇجاتتاماسىن ازىرلەۋ; جوسپارلانعان سوما – 174 476 220 تەڭگە»، - دەلىنگەن مەملەكەتتىك ساتىپ الۋ سايتىنداعى لوتتىڭ سيپاتتاماسىندا.
بەس قاباتتى عيمارات الماتىدا ءال-فارابي داڭعىلىندا ورنالاسقان. اقپاراتقا سايكەس، يگەرۋ ەكى جىلعا سوزىلۋى مۇمكىن، ويتكەنى ءبىرىنشى جىلى ولار 71 ميلليون تەڭگەدەن استام قاراجات، ال ەكىنشى جىلى 103 ميلليون تەڭگەدەن استام قارجى ءبولۋدى جوسپارلاپ وتىر.
سەيسمولوگيا عيماراتى 1989 جىلى سالىنعان. عىلىمي ورتالىقتىڭ ديرەكتورى داۋلەت سارسەنباەۆتىڭ ايتۋىنشا، وندا كۇردەلى جوندەۋ جۇمىستارى ەشقاشان جۇرگىزىلمەگەن، قۇرال-جابدىقتاردىڭ كوپشىلىگى ەسكىرگەن، سونىمەن قاتار كادر تاپشىلىعى ماسەلەسى دە بار.
مامىر ايىندا اكىم ەربولات دوساەۆ عيماراتقا قالالىق بيۋدجەت ەسەبىنەن جوندەۋ جۇمىستارى جۇرگىزىلەتىنىنە ۋادە بەرگەن بولاتىن.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز