Almatydaǧy seismologiialyq ortalyqtyŋ qūjattyq smetasyna 200 millionǧa juyq qarjy bölınetını aityldy

Almatydaǧy seismologiialyq ortalyqty jöndeu üşın jobalyq-smetalyq qūjattamany (JSQ) äzırleuge şamamen 174,5 million teŋge jūmsaluy mümkın, dep habarlaidy "Adyrna" ūlttyq portaly.  «Tapsyrys beruşı – «Almaty qalasynyŋ qūrylys basqarmasy» KMM; sipattamalary – «Seismologiialyq baqylaular jäne zertteuler ūlttyq ǧylymi ortalyǧynyŋ ǧimaratyn qaita qūru» jobalyq qūjattamasyn äzırleu; Josparlanǧan soma – 174 476 220 teŋge», - delıngen memlekettık satyp alu saityndaǧy lottyŋ sipattamasynda. Bes qabatty ǧimarat Almatyda äl-Farabi daŋǧylynda ornalasqan. Aqparatqa säikes, igeru ekı jylǧa sozyluy mümkın, öitkenı bırınşı jyly olar 71 million teŋgeden astam qarajat, al ekınşı jyly 103 million teŋgeden astam qarjy böludı josparlap otyr. Seismologiia ǧimaraty 1989 jyly salynǧan. Ǧylymi ortalyqtyŋ direktory Däulet Särsenbaevtyŋ aituynşa, onda kürdelı jöndeu jūmystary eşqaşan jürgızılmegen, qūral-jabdyqtardyŋ köpşılıgı eskırgen, sonymen qatar kadr tapşylyǧy mäselesı de bar. Mamyr aiynda äkım Erbolat Dosaev ǧimaratqa qalalyq biudjet esebınen jöndeu jūmystary jürgızıletınıne uäde bergen bolatyn.