الماتىدا 66 جاستاعى زەينەتكەر كۇيەۋىن تىرىدەي ورتەپ جىبەردى. جانتۇرشىگەرلىك جاعداي ەكى كۇن بۇرىن، 9 قازاندا مەدەۋ اۋدانىنىڭ كەربۇلاق كوشەسىندە تۇراتىن ەرلى-زايىپتىلاردىڭ ۇيىندە بولعان، دەپ حابارلايدى “ادىرنا” ۇلتتىق پورتالى اlmaty.tv-عا سىلتەمە جاساپ.
اقپاراتقا سايكەس، ەر ادام ءۇشىنشى دارەجەلى كۇيىك جاراقاتىمەن اۋرۋحاناعا جەتكىزىلگەن. الايدا اۋىر حالدە بولعان ول بۇگىن تاڭەرتەڭ كوز جۇمدى.
الدىن الا دەرەكتەر بويىنشا، ىشىمدىك ءىشىپ، ماساڭ كۇيدە بولعان ايەل كۇيەۋىنە كەروسين شاشىپ، وت جاعىپ جىبەرگەن.
قازىر ونىڭ مۇنداي قادامعا نە سەبەپتى بارعانى انىقتالىپ جاتىر.
كۇدىكتى ۋاقىتشا ۇستاۋ يزولياتورىندا قاماۋدا. پوليتسيا سۇمدىق جايتتىڭ ءمان-جايىن تەرگەۋگە كىرىستى. ال قالا پروكۋراتۋراسى قىلمىستىق ءىستى جەكە باقىلاۋىنا العانىن مالىمدەدى.
“مەدەۋ اۋداندىق پوليتسيا باسقارماسى كىسى ءولتىرۋ دەرەگى بويىنشا قىلمىستىق ءىس قوزعادى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ءمان-جايلار انىقتالىپ جاتىر”، - دەدى قالالىق پد رەسمي وكىلى سالتانات ازىربەك.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز