19 قازان – قۇتقارۋشىلار كۇنى

بۇگىن قازاقستاندا  قۇتقارۋشىلار كۇنى اتاپ وتىلەدى، دەپ حابارلايدى «ادىرنا» ۇلتتىق پورتالى. ەلىمىزدە قۇتقارۋشىلار كۇنى رەسمي تۇردە 2008 جىلدان باستاپ تويلانادى. بۇل كۇننىڭ تاڭدالۋ سەبەبى، وسىدان تۋرا 29 جىل بۇرىن توتەنشە جاعدايلار جونىندەگى مەملەكەتتىك كوميتەت قۇرىلدى. اگەنتتىكتىڭ قىزمەتى توتەنشە جاعدايلاردىڭ الدىن الۋعا، سونداي-اق ولاردىڭ زارداپتارىن جويۋعا باعىتتالعان. مەرەكە ەلىمىزدىڭ ازاماتتىق قورعانىس، ءورت ءسوندىرۋ جانە سۋدا قۇتقارۋ قىزمەتتەرىنىڭ قىزمەتكەرلەرىنە ارنالعان. ولاردىڭ ارقايسىسىنىڭ جۇمىسى جوعارى كاسىپقويلىقتى، جاۋاپكەرشىلىك پەن ادالدىقتى تالاپ ەتەدى. ادام ءومىرىن قۇتقارۋ – قۇرمەت پەن العىسقا لايىق قاۋىپتى، بىراق اسىل ەرلىك.