«اۋىل اماناتى»: الماتى وبلىسىندا ءسۇت شارۋاشىلىعىن دامىتۋ كوزدەلگەن

3003
Adyrna.kz Telegram
https://adyrna.kz/content/uploads/2024/10/img_0856.jpeg
اۋىلداعى اعايىننىڭ ءال-اۋقاتىن جاقسارتۋ ماقساتىندا قولعا الىنعان مەملەكەتتىك باعدارلامانىڭ يگىلىگىن كورگەندەر سانى شاش ەتەكتەن. سونىڭ ءبىرى- نۇرلىبەك ستانبەكوۆ.  «اۋىل اماناتى» باعدارلاماسى بويىنشا 2,5% مولشەرلەمەمەن 6 000 000 تەڭگە كولەمىندە نەسيە الدى. بۇل قارجى ءسۇت باعىتىنداعى شارۋاشىلىقتى دامىتۋعا باعىتتالدى. نۇرلانبەك اۋىلدى جەرلەردەن ساتىپ الىنعان سيىرلاردى اسىلداندىرۋمەن اينالىسادى. قازىر فەرمادا 12 باس سيىر بار، ونىڭ ىشىندە ءبىر الاتاۋ جانە ءبىر شۆەيتس تۇقىمدى سيىرلار ساۋىندا تۇر. قالعان سيىرلار كەلەسى بۇزاۋلاۋ كەزەڭىن كۇتۋدە. قازىرگى ۋاقىتتا نۇرلانبەك ءسۇت ونىمدەرىن ءوندىرۋ جانە ساتۋ بويىنشا بەلسەندى جۇمىس جۇرگىزىپ جاتىر. ءسۇت ساتىلىپ، ايران، قۇرت جانە ماي ءوندىرىلىپ، تولدەر وسىرىلۋدە. كاسىپ يەسى، شارۋاشىلىعىن كەڭەيتۋ جوسپارلاپ وتىر، كرەديتتى تولىق وتەگەننەن كەيىن ءسۇت باعىتىنداعى جۇمىس كولەمىن ۇلعايتۋ كوزدەلۋدە. بۇل باستاما اۋىل شارۋاشىلىعىنىڭ دامۋىنا جانە جەرگىلىكتى ونىمدەردىڭ ساپاسىن ارتتىرۋعا ۇلكەن ۇلەس قوسىپ وتىر. نۇرلانبەك ستانبەكوۆتىڭ ءسۇت شارۋاشىلىعىن دامىتۋداعى تاجىريبەسى مەن جەتىستىكتەرى اۋىلدىق ايماقتارداعى كاسىپكەرلەرگە ۇلگى بولۋدا. ايتا كەتەيىك، 2023 جىلى استاۋ العان جوباعا رەسپۋبليكالىق بيۋدجەتتەن الماتى وبلىسىنا 8 ملرد. 267,6 ملن. تەڭگە قاراجات ءبولىندى. اۋىلشارۋاشىلىعىن كاسىپتىڭ كوزى رەتىندە يگەرگەن ازاماتتار اتالمىش باعدارلامانىڭ شاراپاتىن كوردى. الماتى وبلىسىندا مالباسىن كوبەيتۋگە، وسىمدىك شارۋاشىلىعىن دامىتۋعا جانە بىرنەشە شارۋاشىلىقتىڭ باسى ءبىر ارناعا توعىسقان كووپەراتيۆتەر مەن وزگەدە بيزنەس تۇرلەرىنە جالپى 1 090 نەسيە بەرىلدى. باعدارلاما وبلىستاعى بارلىق 133 اۋىلدىق وكرۋگتى قامتيدى. اۋىل تۇرعىندارىنىڭ تابىسىن ارتتىرۋ جوباسى اياسىندا بەرىلەتىن شاعىن نەسيەلەر - «قوناەۆ اكك» اق ارقىلى جۇزەگە اسادى. الماتى وبلىسىنىڭ اۋىلشارۋاشىلىعى باسقارماسىنىڭ دەرەگىنە سايكەس، مال شارۋاشىلىعى سالاسىنا 894 شاعىن نەسيە، ونىڭ ىشىندە 36 كووپەراتيۆ قارجىلاندىرۋعا يە بولدى. ال، وسىمدىك شارۋاشىلىعىنا 40 شاعىن نەسيە، ونىڭ ۇشەۋى كووپەراتيۆكە تيەسىلى. اۋىل شارۋاشىلىعىنا جاتپايتىن كاسىپكەرلىك سۋبەكتىلەرىنە 149 شاعىن نەسيە بولىنسە، اۋىل شارۋاشىلىعى تەحنيكاسىن ساتىپ الۋعا 7 نەسيە بەرىلدى.
پىكىرلەر