الماتى وبلىسىندا جىلۋ بەرۋ ماۋسىمىندا جۇيەلەر جاڭارتىلىپ جاتىر

وبلىستاعى جىلۋمەن قامتۋ جۇيەسىنىڭ جاڭارتىلىپ، بلوكتى مودۋلدىك قازاندىقتار كەزەك كەزەگىمەن ىسكە قوسىلۋ ۇستىندە.  بۇگىنگى تاڭدا وبلىسىمىزدا تۇرعىنداردى جىلۋمەن قامتۋدى ايتارلىقتاي جاقسارتاتىن بلوكتى مودۋلدىك قازاندىقتاردى (بمق) ىسكە قوسۋ بويىنشا، ماڭىزدى جوبالار بەلسەندى تۇردە جۇزەگە اسىرىلۋدا. ىلە اۋدانى، بورالداي اۋىلىنداعى «المات» قازاندىعىنىڭ اشىلۋى — ايرىقشا وقيعا بولدى. ىسكە قوسۋ الدىندا بارلىق قاجەتتى جەلىلىك سىناقتار مەن ىسكە قوسۋ جۇمىستارى ءساتتى اياقتالىپ، جاڭا نىساننىڭ سەنىمدىلىگى تەكسەرىلدى. قۇرىلىس، مونتاج جۇمىستارى اياقتالىپ، قازاندىققا قوسىلعان تۇرعىن ۇيلەرگە جىلۋ بەرىلە باستادى. قازاندىق گاز جۇيەسىنە قوسىلعان. ەندىگى ۋاقىتتا كەڭدالالىقتاردى اتالمىش قازاندىق تۇراقتى تۇردە جىلۋمەن قامتاماسىز ەتپەك. اتالعان جۇمىستار اۋدان كولەمىندە الداعى ۋاقىتتا جالعاسىن تابادى. التىن-دان جانە اقتاس اۋىلدارىنداعى قازاندىقتار جاقىن ارادا ءوز جۇمىسىن باستايدى. سونىمەن قاتار، قالعان اۋىلدارداعى قازاندىقتارعا جوبالىق-سمەتالىق قۇجاتتار ازىرلەنىپ جاتىر. قازىرگى تاڭدا تالعار اۋدانى الاتاۋ اۋىلدىق وكرۋگىنە قاراستى التىن ءدان اۋىلىنداعى كوپپاتەرلى تۇرعىن ۇيلەردى جىلۋمەن قامتاماسىز ەتۋ ءۇشىن، گازبەن جۇمىس ىستەيتىن بمق قۇرىلىسى دا جالعاسۋدا. مۇندا قۇرىلىس-مونتاج جۇمىستارى 90 پايىزعا ورىندالدى، جوبانىڭ جالپى قۇنى 106,6 ميلليون تەڭگەنى قۇرايدى. جۇمىس قاراشا ايىنىڭ باسىندا اياقتالادى دەپ كۇتىلۋدە. بۇل باستامالار تۇرعىنداردى جىلۋمەن قامتاماسىز ەتىپ قانا قويماي، ءوڭىردىڭ ەكونوميكالىق دامۋىنا، جاڭا جۇمىس ورىندارىنىڭ اشىلۋىنا جانە ءومىر ءسۇرۋ ساپاسىنىڭ ارتۋىنا دا ىقپال ەتەدى. وبلىس تۇرعىندارى الداعى قىس ايلارىندا تۇراقتى جىلۋمەن قامتاماسىز ەتىلەتىنىنە سەنىمدى بولا الادى.