Almaty oblysynda jylu beru mausymynda jüieler jaŋartylyp jatyr

Oblystaǧy jylumen qamtu jüiesınıŋ jaŋartylyp, blokty moduldık qazandyqtar kezek kezegımen ıske qosylu üstınde.  Bügıngı taŋda oblysymyzda tūrǧyndardy jylumen qamtudy aitarlyqtai jaqsartatyn Blokty moduldık qazandyqtardy (BMQ) ıske qosu boiynşa, maŋyzdy jobalar belsendı türde jüzege asyryluda. Ile audany, Boraldai auylyndaǧy «Almat» qazandyǧynyŋ aşyluy — airyqşa oqiǧa boldy. Iske qosu aldynda barlyq qajettı jelılık synaqtar men ıske qosu jūmystary sättı aiaqtalyp, jaŋa nysannyŋ senımdılıgı tekserıldı. Qūrylys, montaj jūmystary aiaqtalyp, qazandyqqa qosylǧan tūrǧyn üilerge jylu berıle bastady. Qazandyq gaz jüiesıne qosylǧan. Endıgı uaqytta keŋdalalyqtardy atalmyş qazandyq tūraqty türde jylumen qamtamasyz etpek. Atalǧan jūmystar audan kölemınde aldaǧy uaqytta jalǧasyn tabady. Altyn-Dan jäne Aqtas auyldaryndaǧy qazandyqtar jaqyn arada öz jūmysyn bastaidy. Sonymen qatar, qalǧan auyldardaǧy qazandyqtarǧa jobalyq-smetalyq qūjattar äzırlenıp jatyr. Qazırgı taŋda Talǧar audany Alatau auyldyq okrugıne qarasty Altyn dän auylyndaǧy köppäterlı tūrǧyn üilerdı jylumen qamtamasyz etu üşın, gazben jūmys ısteitın BMQ qūrylysy da jalǧasuda. Mūnda qūrylys-montaj jūmystary 90 paiyzǧa oryndaldy, jobanyŋ jalpy qūny 106,6 million teŋgenı qūraidy. Jūmys qaraşa aiynyŋ basynda aiaqtalady dep kütılude. Būl bastamalar tūrǧyndardy jylumen qamtamasyz etıp qana qoimai, öŋırdıŋ ekonomikalyq damuyna, jaŋa jūmys oryndarynyŋ aşyluyna jäne ömır süru sapasynyŋ artuyna da yqpal etedı. Oblys tūrǧyndary aldaǧy qys ailarynda tūraqty jylumen qamtamasyz etıletınıne senımdı bola alady.