جاڭگىر حان اتىنداعى بقاتۋ-داعى «ەكونوميكا، اقپاراتتىق تەحنولوگيالار جانە كاسىپتىك ءبىلىم بەرۋ» ينستيتۋتىنىڭ عالىمدارى ەلۆيرا رۋستەنوۆا مەن ايجان يبىجانوۆا «بيزنەس-پروتسەستەردىڭ تۇتىنۋشىلاردىڭ وزگەرىپ وتىراتىن تالاپتارىنا جانە الەمدىك ەكونوميكالىق كونيۋنكتۋراعا بەيىمدەلۋىن ەسكەرە وتىرىپ، اگروونەركاسىپتىك كاسىپورىنداردى تسيفرلىق ترانسفورماتسيالاۋ مودەلدەرىنىڭ كەشەنىن ازىرلەۋ» جوباسى اياسىندا سانكت-پەتەربۋرگ پوليتەحنيكالىق ۋنيۆەرسيتەتىندە عىلىمي تاعىلىمدامادان ءوتتى.
تاعىلىمداما بارىسىندا اگروونەركاسىپتىك سەكتورداعى ۇيىمداستىرۋشىلىق رەينجينيرينگ جانە تسيفرلىق ترانسفورماتسيا تاقىرىپتارى بويىنشا دارىستەر مەن سەمينارلار، كەيس-ستادي جانە «الەۋمەتتىك-ەكونوميكالىق جۇيەلەردى مودەلدەۋ جانە تسيفرلاندىرۋ» زەرتحاناسى عىلىمي قىزمەتكەرلەرىمەن تالقىلاۋلار ۇيىمداستىرىلدى. جەتەكشى اگروونەركاسىپتىك كاسىپورىندار مەن زەرتحانالارعا ەكسكۋرسيالار جاساپ، تسيفرلىق تەحنولوگيالاردى ەنگىزۋ تاجىريبەلەرىن زەرتتەۋ ءۇشىن بيزنەس وكىلدەرىمەن كەزدەسۋلەر وتكىزدى. سونىمەن قاتار «GDTM-2024: نارىقتاردىڭ تسيفرلىق ترانسفورماتسياسىنىڭ جاھاندىق سىن-قاتەرلەرى» اتتى حالىقارالىق عىلىمي كونفەرەنتسياعا قاتىستى.
بقاتۋ – دامىعان عىلىمي-يننوۆاتسيالىق ينفراقۇرىلىمى بار ۋنيۆەرسيتەت، وندا «يدەيانى قالىپتاستىرۋدان ونى كوممەرتسيالاندىرۋعا دەيىن» ءتيىمدى تەحنولوگيالىق جۇيەسى قۇرىلعان. ايەشەۆا گۇلشات امانگەلدىقىزىنىڭ باسشىلىعىمەن تەحنولوگيالاردى كوممەرتسيالاندىرۋ جانە بيزنەس-ينكۋباتسيالاۋ كەڭسەسىنىڭ تابىستى جۇمىسىنىڭ ارقاسىندا ءتۇرلى رەسپۋبليكالىق جانە حالىقارالىق كوزدەردەن قاراجات تارتىلادى، سونداي-اق زەرتتەۋ ناتيجەلەرى پايدالانىلادى.
بيىل بيزنەس-سەرىكتەستەرمەن جەمىستى ىنتىماقتاستىق ناتيجەسىندە ۋنيۆەرسيتەتتىڭ ەكى جوباسى عىلىمي جانە عىلىمي-تەحنيكالىق قىزمەت ناتيجەلەرىن كوممەرتسيالاندىرۋ بويىنشا «عىلىم قورى» اق بايقاۋىندا جەڭىسكە جەتتى (2024 - 2026 جىلدارعا). جوبالاردىڭ جالپى قۇنى 1 ملرد 280 ملن تەڭگەنى قۇرايدى، ونىڭ ىشىندە قوسا قارجىلاندىرۋ – 606 ملن تەڭگە.
ءبىرىنشى جوبا: «باتىس قازاقستان وبلىسىنىڭ قۇرعاق دالا ايماعىندا سۋارۋدا جوعارى اقۋىزدى جەمشوپ داقىلدارىن ءوسىرۋ» جانە ەكىنشىسى – «بالىقتارعا، قۇستارعا جانە اۋىل شارۋاشىلىعى جانۋارلارىنا ارنالعان قۇراما جەم ءوندىرۋدىڭ يننوۆاتسيالىق تەحنولوگياسى». بۇل يننوۆاتسيالىق جوبالار ۋنيۆەرسيتەت عالىمدارىنىڭ: دوتسەنت، تەحنيكا عىلىمدارىنىڭ كانديداتى وناەۆ مارات قايرلىۇلى جانە زەرتحانا مەڭگەرۋشىسى، اۋىل شارۋاشىلىعى عىلىمدارىنىڭ كانديداتى باتىرعاليەۆ ەركىنعالي ازاماتۇلىنىڭ يننوۆاتسيالىق تەحنولوگيالارى مەن ازىرلەمەلەرىن ەنگىزۋگە باعىتتالعان.
جالپى ءبىزدىڭ ۋنيۆەرسيتەتتە حالىقارالىق ىنتىماقتاستىق، شەتەلدىك جوعارى وقۋ ورىندارىمەن ارىپتەستىك جاقسى جولعا قويىلعان
بولاشاق حالىقارالىق باعلارلاماسىنىڭ «500 عالىم» جوباسى اياسىندا ۋنيۆەرسيتەت عالىمدارى شەتەلدىك جەتەكشى جوو-لاردا عىلىمي تاعىلىمدامادان وتەدى. حالىقارالىق دەڭگەيدەگى ۋنيۆەرسيتەتتەرمەن اكادەميالىق ورالىمدىلىق باعدارلاماسى شەڭبەرىندە ستۋدەنتتەر الماسۋ ءۇردىسى قالىپتاسقان.
ايتا كەتۋ كەرەك، بيىل جاڭگىر حان ۋنيۆەرسيتەتىنە قىتايداعى تاريم ۋنيۆەرسيتەتىنىڭ، سونداي-اق سينتسنزيان مال شارۋاشىلىعى اكادەمياسىنىڭ وكىلدەرى كەلدى. قوس تاراپ ەكىجاقتى ءتيىمدى ۇسىنىستاردى تالقىلاپ، قازاقستاندىق ءبىلىم ورداسىنىڭ الەۋەتىمەن تانىسىپ، ەكى ۋنيۆەرسيتەت اراسىنداعى ورتاق زەرتتەۋ باعىتتارىن ناقتىلاپ، بىرلەسكەن عىلىمي جۇمىس بويىنشا كەلىسسوزدەر جۇرگىزدى.
بىلىم مەن عىلىمنىڭ ورداسىنا اينالعان بقاتۋ-دىڭ عىلىمي جەتىستىكتەرى از ەمەس. سوڭعى بەس جىلدىڭ وزىندە ۋنيۆەرسيتەت عالىمدارى ايتارلىقتاي ناتيجەلەرگە قول جەتكىزدى. پروفەسسور، تەحنيكا عىلىمدارىنىڭ دوكتورى سارسەنبەك مونتاەۆ «الەمدەگى ەڭ بەدەلدى عالىمداردىڭ 2 پايىزى» رەيتينگىسى بويىنشا عىلىمي جۇمىستارى كوپ سىلتەمە جاسالاتىن عالىمداردىڭ تىزىمىنە ەندى. جاڭگىر حان اتىنداعى بقاتۋ مەن ۋفا مەملەكەتتىك مۇناي تەحنولوگيالىق ۋنيۆەرسيتەتى اراسىنداعى ەكىجاقتى مەموراندۋم نەگىزىندە عىلىم مەن ءبىلىم بەرۋ سالاسىنداعى ارىپتەستىك الەۋەتى ارتتى. باتىسقازاقستاندىق ۋنيۆەرسيتەتتە ۋفالىق جوو-نىڭ وكىلدىگىنىڭ اشىلۋى – وسى جۇمىستاردىڭ ناتيجەسى.
بۇگىنگى تاڭدا ۋنيۆەرسيتەتتە 344 پروفەسسور-وقىتۋشى جۇمىس ىستەيدى، ونىڭ ىشىندە 12 پروفەسسور، 15 عىلىم دوكتورى، 25 دوتسەنت، 70 عىلىم كانديداتى، 47 PhD.
كاۋسار بايعاليەۆا
