Jäŋgır han atyndaǧy BQATU-daǧy «Ekonomika, aqparattyq tehnologiialar jäne käsıptık bılım beru» institutynyŋ ǧalymdary Elvira Rustenova men Aijan İbyjanova «Biznes-prosesterdıŋ tūtynuşylardyŋ özgerıp otyratyn talaptaryna jäne älemdık ekonomikalyq koniunkturaǧa beiımdeluın eskere otyryp, agroönerkäsıptık käsıporyndardy sifrlyq transformasiialau modelderınıŋ keşenın äzırleu» jobasy aiasynda Sankt-Peterburg politehnikalyq universitetınde ǧylymi taǧylymdamadan öttı.
Taǧylymdama barysynda agroönerkäsıptık sektordaǧy ūiymdastyruşylyq reinjiniring jäne sifrlyq transformasiia taqyryptary boiynşa därıster men seminarlar, keis-stadi jäne «Äleumettık-ekonomikalyq jüielerdı modeldeu jäne sifrlandyru» zerthanasy ǧylymi qyzmetkerlerımen talqylaular ūiymdastyryldy. Jetekşı agroönerkäsıptık käsıporyndar men zerthanalarǧa ekskursiialar jasap, sifrlyq tehnologiialardy engızu täjıribelerın zertteu üşın biznes ökılderımen kezdesuler ötkızdı. Sonymen qatar «GDTM-2024: naryqtardyŋ sifrlyq transformasiiasynyŋ jahandyq syn-qaterlerı» atty halyqaralyq ǧylymi konferensiiaǧa qatysty.
BQATU – damyǧan ǧylymi-innovasiialyq infraqūrylymy bar universitet, onda «İdeiany qalyptastyrudan ony kommersiialandyruǧa deiın» tiımdı tehnologiialyq jüiesı qūrylǧan. Aieşeva Gülşat Amangeldıqyzynyŋ basşylyǧymen Tehnologiialardy kommersiialandyru jäne biznes-inkubasiialau Keŋsesınıŋ tabysty jūmysynyŋ arqasynda türlı respublikalyq jäne halyqaralyq közderden qarajat tartylady, sondai-aq zertteu nätijelerı paidalanylady.
Biyl biznes-serıktestermen jemıstı yntymaqtastyq nätijesınde universitettıŋ ekı jobasy ǧylymi jäne ǧylymi-tehnikalyq qyzmet nätijelerın kommersiialandyru boiynşa «Ǧylym qory» AQ baiqauynda jeŋıske jettı (2024 - 2026 jyldarǧa). Jobalardyŋ jalpy qūny 1 mlrd 280 mln teŋgenı qūraidy, onyŋ ışınde qosa qarjylandyru – 606 mln teŋge.
Bırınşı joba: «Batys Qazaqstan oblysynyŋ qūrǧaq dala aimaǧynda suaruda joǧary aquyzdy jemşöp daqyldaryn ösıru» jäne ekınşısı – «Balyqtarǧa, qūstarǧa jäne auyl şaruaşylyǧy januarlaryna arnalǧan qūrama jem öndırudıŋ innovasiialyq tehnologiiasy». Būl innovasiialyq jobalar universitet ǧalymdarynyŋ: dosent, tehnika ǧylymdarynyŋ kandidaty Onaev Marat Qairlyūly jäne zerthana meŋgeruşısı, auyl şaruaşylyǧy ǧylymdarynyŋ kandidaty Batyrǧaliev Erkınǧali Azamatūlynyŋ innovasiialyq tehnologiialary men äzırlemelerın engızuge baǧyttalǧan.
Jalpy bızdıŋ universitette halyqaralyq yntymaqtastyq, şeteldık joǧary oqu oryndarymen ärıptestık jaqsy jolǧa qoiylǧan
Bolaşaq halyqaralyq baǧlarlamasynyŋ «500 ǧalym» jobasy aiasynda universitet ǧalymdary şeteldık jetekşı joo-larda ǧylymi taǧylymdamadan ötedı. Halyqaralyq deŋgeidegı universitettermen akademiialyq oralymdylyq baǧdarlamasy şeŋberınde studentter almasu ürdısı qalyptasqan.
Aita ketu kerek, biyl Jäŋgır han universitetıne Qytaidaǧy Tarim universitetınıŋ, sondai-aq Sinsnzian mal şaruaşylyǧy akademiiasynyŋ ökılderı keldı. Qos tarap ekıjaqty tiımdı ūsynystardy talqylap, qazaqstandyq bılım ordasynyŋ äleuetımen tanysyp, ekı universitet arasyndaǧy ortaq zertteu baǧyttaryn naqtylap, bırlesken ǧylymi jūmys boiynşa kelıssözder jürgızdı.
Bılım men ǧylymnyŋ ordasyna ainalǧan BQATU-dyŋ ǧylymi jetıstıkterı az emes. Soŋǧy bes jyldyŋ özınde universitet ǧalymdary aitarlyqtai nätijelerge qol jetkızdı. Professor, tehnika ǧylymdarynyŋ doktory Särsenbek Montaev «Älemdegı eŋ bedeldı ǧalymdardyŋ 2 paiyzy» reitingısı boiynşa ǧylymi jūmystary köp sılteme jasalatyn ǧalymdardyŋ tızımıne endı. Jäŋgır han atyndaǧy BQATU men Ufa memlekettık mūnai tehnologiialyq universitetı arasyndaǧy ekıjaqty memorandum negızınde ǧylym men bılım beru salasyndaǧy ärıptestık äleuetı artty. Batysqazaqstandyq universitette ufalyq JOO-nyŋ ökıldıgınıŋ aşyluy – osy jūmystardyŋ nätijesı.
Bügıngı taŋda universitette 344 professor-oqytuşy jūmys ısteidı, onyŋ ışınde 12 professor, 15 ǧylym doktory, 25 dosent, 70 ǧylym kandidaty, 47 PhD.
Käusar BAIǦALİEVA
