ەلىمىزدە جۇك كولىگىن شىعاراتىن زاۋىت اشىلادى. بۇل تۋرادى بۇگىن، 4 قاراشادا قازاقستان-قىتاي دوڭگەلەك ۇستەلى بارىسىندا ايتىلدى، دەپ حابارلايدى «ادىرنا» ءتىلشىسى.
زاۋىت قاراعاندى وبلىسىنىڭ ساران قالاسىندا سالىنباق.
«بىرلەسكەن كاسىپورىن قۇرۋ تۋرالى كەلىسىمگە قول قويىلدى. «ساران» يندۋستريالىق ايماعىنىڭ بازاسىندا جۇك جانە كوممەرتسيالىق تەحنيكا وندىرەتىن جاڭا زاۋىت سالىنادى. جاڭا كاسىپورىن قۇرۋ بىزگە قوسىمشا 1,5 مىڭ جۇمىس ورنىن اشۋعا مۇمكىندىك بەرەدى. سونداي-اق ءبىز جاڭا تەحنولوگيالاردى الامىز، دانەكەرلەۋ، كاتافورەز، بوياۋ جانە شاعىن توراپتى قۇراستىرۋ ءۇشىن زاماناۋي جابدىقتار ساتىپ الىنادى. جاس ينجەنەرلەر قىتايدا قولدانىلاتىن جاڭا داعدىلاردى يگەرۋگە مۇمكىندىك الادى»، — دەدى بىرلەسكەن جوبانىڭ جەتەكشىسى ارعۇلان مايقونوۆ.
