سارىاعاش: "قىزىققا تولى ستۋدەنتتىك ءومىر" اتتى فەستيۆال ءوتتى

بۇگىن «17 قاراشا - حالىقارالىق ستۋدەنتتەر» كۇنىنە وراي، ستۋدەنت جاستاردىڭ بويىنداعى شىعارماشىلىق قابىلەتتەرىن جانە بىلىمگە، ونەرگە دەگەن قۇشتارلىعىن ارتتىرۋ ماقساتىندا سارىاعاش اۋداندىق “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “قىزىققا تولى ستۋدەنتتىك ءومىر” اتتى اۋداندىق فەستيۆالى ءوتتى. مەرەكەلىك شاراعا اۋدان اكىمى ارمان ابدۋللاەۆ، پرەزيدەنت جانىنداعى ۇلتتىق قۇرىلتاي مۇشەسى، «دارىن» جاستار سىيلىعىنىڭ يەگەرى، ايتىسكەر اقىن ءبىرجان بايتۋوۆ جانە وبلىستىق جاستار رەسۋرستىق ورتالىعى باسشىسىنىڭ ورىنباسارى پەردەبەك ەسقۇلوۆ قاتىسىپ، ستۋدەنتتەردى ارنايى قۇتتىقتادى. – ءار ادامنىڭ ومىرىندە ەرەكشە ورىن الاتىن ستۋدەنتتىك شاق ەشقاشان ۇمىتىلمايدى. بۇل – قىزىعى مەن قيىندىعى قاتار جۇرەتىن، بولاشاققا باستار ماڭىزدى كەزەڭ. سىزدەر بۇگىن جاستىقتىڭ جارقىن ساتتەرىن باستان وتكەرىپ، ەرتەڭگى ەرەسەك ومىرگە سەنىمدى قادامدار جاساپ جاتىرسىزدار. الداعى ۋاقىتتا ۇلكەن جەتىستىكتەرگە جەتىپ، بيىكتەردەن كورىنۋلەرىڭىزگە تىلەكتەسپىن، – دەدى اۋدان اكىمى ءوز قۇتتىقتاۋىندا. فەستيۆال باعدارلاماسى ستۋدەنتتەردىڭ IT سالاسىنداعى جەتىستىكتەرى مەن قولونەر بۇيىمدارىنىڭ كورمەسىنەن باستالدى. كەيىن ءار كوللەدج وزدەرىنىڭ ەرەكشە شىعارماشىلىق قويىلىمدارى مەن ونەرلەرىن ۇسىندى. فەستيۆال قورىتىندىسى بويىنشا جەڭىمپازدار انىقتالدى: • ء“بىلىمدى ۇرپاق” كەزەڭى بويىنشا – قاپلانبەك جوعارى اگرارلىق تەحنيكالىق كوللەدجى ءى ورىن; • “مەنىڭ كوللەدجىم” كەزەڭى بويىنشا – ابۋ الي يبن سينا كوللەدجى ءى ورىن; • “ۇمىتىلماس ستۋدەنتتىك شاق” كەزەڭى بويىنشا – ارىستانباب جوعارى كوللەدجى ءى ورىن; • تاقىرىپتىق كورىنىس بويىنشا – سارىاعاش مەدرەسە كوللەدجى ءى ورىن. بارلىق جەڭىمپازدار اۋدان اكىمىنىڭ العىس حاتتارىمەن جانە باعالى سىيلىقتارمەن ماراپاتتالدى. ايتا كەتسەك، قازىرگى ۋاقىتتا سارىاعاش اۋدانىنداعى 6 ارناۋلى ورتا وقۋ ورنىندا 5076 ستۋدەنت ءبىلىم الۋدا، ونىڭ 1283-ءى جاتاقحانامەن قامتاماسىز ەتىلگەن. 2024 جىلى 5 كوللەدجگە 1075 مەملەكەتتىك گرانت ءبولىنىپ، ستۋدەنتتەر تەگىن ءبىلىم الۋ مۇمكىندىگىنە يە بولدى.