جاستار اراسىندا وبلىستىق سپارتاكيادا ءوتتى

تۇركىستان وبلىستىق “جاستار رەسۋرستىق ورتالىعى” كمم-ءنىڭ باستاماسىمەن “25 قازان - رەسپۋبليكا كۇنىنە” وراي “40 وي مەن توي” جوباسى اياسىندا سارىاعاش جانە جەتىساي اۋداندىق “جاستار رەسۋرستىق ورتالىقتارى” كمم-ءنىڭ بىرىگىپ ۇيىمداستىرۋىمەن جاستار اراسىندا وبلىستىق سپارتاكيادا ءوتتى 📋جاستاردىڭ سپورتتىق شەبەرلىگىن ارتتىرۋ، سالاۋاتتى ءومىر سالتىن ناسيحاتتاۋ ماقساتىندا ۇيىمداستىرىلعان سپارتاكياداعا اۋدان، قالالىق جاستار ورتالىقتارىنىڭ ماماندارى قاتىسىپ، ءوزارا باق سىنادى. ء📑ىس-شارانىڭ اشىلۋ سالاتاناتىنا تۇركىستان وبلىسى قوعامدىق دامۋ باسقارماسى باسشىسىنىڭ ورىنباسارى نۇرسۇلتان سەيتجانوۆ، وبلىستىق “جاستار رەسۋرستىق ورتالىعى” كمم-ءنىڭ باسشىسى ەرنار نۇرالىۇلى، سارىاعاش اۋداندىق ءماسليحاتىنىڭ دەپۋتاتى نۇرجان پەرنەبايۇلى قاتىستى. 🔹 جاستاردىڭ فيزيكالىق بەلسەندىلىگى مەن كوماندالىق رۋحى سىنالعان باسەكەگە قاتىسۋشىلار سپورتتىڭ 6 تۇرىنەن، اتاپ ايتقاندا، ارقان تارتىس، گىر تاسىن كوتەرۋ، لاڭگى تەبۋ، ۇستەل تەننيسى، بەلتەمىرگە تارتىلۋ جانە ۆولەيبولدان ءوزارا سىنعا ءتۇستى. كوماندالىق ەسەپ بويىنشا وق بويى وزىپ شىققان تولەبي اۋدانى I ورىندى يەلەنسە، قازىعۇرت اۋدانى II ورىندى قانجىعالادى. ال ساۋران اۋدانىنا III ورىن بۇيىردى. جەڭىسكە جەتكەن كوماندالار ارنايى ديپلومدارمەن، باعالى سىيلىقتارمەن ماراپاتتالدى.