بۇگىن تۇركىستان وبلىسىنىڭ تاۋلى ايماعى تولەبي اۋدانىندا اۋداندىق “جاستار رەسۋرستىق ورتالىعى” كمم-ءنىڭ ۇيىمداستىرۋىمەن وبلىس جاستارى اراسىندا “كوشپەندىلەر ويىنى” ءوتتى. اۋدانىمىزدا ءداستۇرلى تۇردە ءتورتىنشى رەت ۇيىمداستىرىلعان دودا بۇل جىلى 25-قازان رەسپۋبليكا كۇنىنە ارنالدى. ءبىرىنشى مامىر اۋىلى، “تولەبي سپورت كلۋبى” كمم-دە وتكەن بۇل سايىسقا “وبلىستىق جاستار رەسۋرستىق ورتالىعى” كمم-ءنىڭ باسشى ورىنباسارى پەردەبەك سەرجانۇلى، اۋداندىق اقساقالدار ارداگەرلەر ۇيىمىنىڭ توراعاسى ءاتىرحان شىڭعىسباەۆ، اۋداندىق ماسليحات توراعاسى نۇرلان قويباعاروۆ ارنايى قاتىسىپ، بارلىق اۋدان، قالادان كەلگەن سپورتشىلارعا ساتتىلىك تىلەپ، قولداۋ ءبىلدىردى.
ايتۋلى دودا دالا ءداستۇرىن، ۇرپاقتار ساباقتاستىعىن نەگىزگە الا وتىرىپ، حالقىمىزدىڭ تاريحىن، بولمىسىن، ءداستۇرىن جاستارعا كەڭىنەن ناسيحاتتايدى.
اعىمداعى جىلى اۋدان، قالادان كەلگەن سپورتشىلاردان قۇرالعان 12 كوماندا ءوزارا 7 سپورت تۇرىنەن، اتاپ ايتقاندا، ساداق اتۋ، قازاق كۇرەسى، كوكپار جەكپە-جەگى، ماس-رەستلينگ، اۋدارىسپاق، الىپتار سايىسى جانە ارقان تارتىسىنان باسەكەگە ءتۇستى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز