"ەلىمىزدىڭ رۋحىن كوتەرگەن - سپورت ساڭلاقتارى"

شاردارا اۋداندىق “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “ەلىمىزدىڭ رۋحىن كوتەرگەن - سپورت ساڭلاقتارى” اتتى قول كۇرەستەن الەم چەمپيوندارىمەن موتيۆاتسيالىق كەزدەسۋ ءوتتى. باسقوسۋ “25 قازان - رەسپۋبليكا كۇنىنە” وراي ۇيىمداستىرىلدى. 📋كەزدەسۋ ماقساتى - جاستارعا ءتالىم-تاربيە، رۋحاني باعىت-باعدار مەن ومىرلىك موتيۆاتسيا بەرىپ، ەركىن پىكىر الماسۋ. 📑اتالمىش باسقوسۋعا ارمرەستلينگتەن الەم چەمپيوندارى ەرداۋلەت مۇحامبەتوۆ، مەيرامبەك ەرسايىن مەن بەكجان قوجانتاي قاتىستى. جيىنعا وبلىستىق “جاستار رەسۋرستىق ورتالىعى” كمم-ءنىڭ باق پەن قوعاممەن بايلانىس ءبولىمىنىڭ باسشىسى اقتورە مەيىرجانۇلى مودەراتورلىق ەتتى. 🔹شارا بارىسىندا سپيكەرلەر وزدەرىنىڭ سپورتتا جەتكەن جەتىستىكتەرى، كاسىبي مانسابىنداعى تاجىريبەلەرىمەن ءبولىسىپ، تۇلعالىق دامۋعا قاتىستى بىرقاتار كەلەلى اقىل-كەڭەستەرىن بەردى. ۇلكەن جەتىستىكتەرگە جەتۋ جولىندا العا قويعان ماقساتقا جەتۋگە ەرىك-جىگەر بەرەتىن سەنىمدىلىك تۋرالى باياندادى. جاستار وزدەرىن قىزىقتىرعان ماسەلەلەر بويىنشا ءتۇرلى سۇراقتار قويىپ، ۇسىنىس-پىكىرلەرىمەن ءبولىستى. 🔹 كەزدەسۋ سوڭى اۋەسقوي جاستار اراسىنداعى قول كۇرەستەن سايىسقا ۇلاستى. Armrestling ەرەجەسىنە سايكەس وتكەن جارىسقا 18-34 جاس ارالىعىنداعى اۋەسقوي جاستار قاتىستى. جەڭىمپازدارعا ديپلومدار مەن سىيلىقتار تابىستالدى. جارىس قورىتىندىسىنا سايكەس جەڭىمپاز اتانعاندار ءتىزىمى تومەندەگىدەي: 1️⃣-ورىن: امانگەلدى نۇرلان (سوزاق اۋدانى) 2️⃣-ورىن: تۇرسىنباي ەلدار (ساۋران اۋدانى) 3️⃣-ورىن: تالباي نۇرقاسىم (سوزاق ءاۋدانى)ا