كورشىلەر اراسىنداعى داۋدىڭ ناتيجەسىندە مۇلىككە كەلگەن زالال بويىنشا سوت شەشىمى شىقتى

جەزقازعان قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى ازامات «پ»-عا قاتىستى باسقا ادامنىڭ مۇلكىن قاساقانا ءبۇلدىرۋ بويىنشا اكىمشىلىك ءىستى قارادى. ءىس ماتەريالدارىنا سايكەس، 2024 جىلعى 18 قازاندا ازامات «پ» جەزقازعان قالاسىنىڭ كوشەلەرىنىڭ بىرىندە ورنالاسقان ءوز ءۇيىنىڭ جانىندا ازاماتشا «چ»-عا تيەسىلى اۆتوكولىكتىڭ ارتقى بۇيىرلىك اينەگىن سىندىرىپ، ءتورت دوڭگەلەگىن تەسىپ، تازالاعىشتارىن جۇلىپ، مەملەكەتتىك نومىرلەرىن الىپ كەتكەن. بۇل ارەكەتتەر سالدارىنان اۆتوكولىك يەسىنە 79 597 تەڭگە كولەمىندە ماتەريالدىق زالال كەلتىرىلگەن. سوت وتىرىسىندا ازامات «پ» كىناسىن مويىنداپ، ونىڭ ارەكەتتەرىنە ازاماتشا «چ»-نىڭ نەمەرەسى 105 000 تەڭگە مولشەرىندە قارىزىن قايتارۋدان باس تارتقانى سەبەپ بولعانىن ءتۇسىندىردى. ازامات «پ» كەلتىرىلگەن زالالدى وتەۋگە دايىن ەكەنىن ايتتى. سوت ازامات «پ»-نىڭ قاساقانا ارەكەت ەتكەنىن انىقتادى، بۇل ازاماتشا «چ»-نىڭ، كۋاگەر «ۆ»-نىڭ ايعاقتارىمەن جانە زالال باعالاۋ ەسەبىمەن راستالدى.  سوت ازامات «پ»-نىڭ ارەكەتتەرىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 147-1-بابىنىڭ 1-بولىگى بويىنشا سارالادى، وندا بوتەننىڭ مۇلكىن قاساقانا بۇلدىرگەنى ءۇشىن جاۋاپكەرشىلىك قاراستىرىلعان. قۇقىق بۇزۋشىلىق سيپاتى مەن ازامات «پ»-نىڭ ماتەريالدىق جاعدايىن ەسكەرە وتىرىپ، سوت وعان بەس تاۋلىك مەرزىمگە اكىمشىلىك قاماۋعا الۋ تۇرىندەگى جازا تاعايىندادى.