الەۋمەتتىك جەلىلەر ءبىز ءۇشىن كۇندەلىكتى قارىم-قاتىناس پەن اقپارات الماسۋدىڭ باستى الاڭىنا اينالعانىمەن، ولاردا كوپتەگەن قاۋىپتەر دە بار. سونىڭ ءبىرى – ادام ساۋداسى.
ادام ساۋداسى الەۋمەتتىك جەلىلەر ارقىلى جاسىرىن تۇردە ورىن الىپ، كوبىنەسە قۇربانداردى الداۋ، مانيپۋلياتسيا نەمەسە جالعان جۇمىس ۇسىنىستارىمەن تارتادى. مىسالى:
- جالعان جۇمىس ۇسىنىستارى: جوعارى جالاقى نەمەسە جەڭىل جۇمىس تۋرالى ۇسىنىستار ادامدى شەتەلگە نەمەسە ەل ىشىندە الداپ الىپ كەلىپ، ءماجبۇرلى ەڭبەككە جەگىلۋى مۇمكىن.
- جالعان تانىستىقتار: الەۋمەتتىك جەلىلەردە تانىسقان ادامدار ۋاقىت وتە كەلە قۇرباندى ءوز ماقساتتارىنا پايدالانۋعا تىرىسادى. كوپ جاعدايدا بۇل قۇرباندار وزدەرى دە جاعدايعا ءتۇسىپ قالعانىن بىلمەي قالادى.
- جارنامالار مەن فوتوسۋرەتتەر: الەۋمەتتىك جەلىلەردە ءساندى ءومىردى نەمەسە «كەرەمەت ۇسىنىستاردى» جارنامالاۋ ارقىلى ادامداردى تارتىپ، ولاردى ادام ساۋداسىنىڭ قاقپانىنا ءتۇسىرۋى مۇمكىن.
قاۋىپسىز بولۋ ءۇشىن نە ىستەۋ كەرەك؟
- بەلگىسىز ادامدارمەن جاقىن تانىسۋدان ساقتانىڭىز.
- جۇمىس نەمەسە ساياحات تۋرالى ۇسىنىستاردى مۇقيات تەكسەرىڭىز.
- جەكە دەرەكتەرىڭىزدى، فوتوسۋرەتتەرىڭىزدى جاريالاماڭىز.
- ەگەر بىرەۋ سىزگە كۇماندى ۇسىنىس جاساسا، جاقىندارىڭىزعا حابارلاپ، قۇقىق قورعاۋشىلارعا جۇگىنىڭىز.
ادام ساۋداسى – كۇردەلى ماسەلە، بىراق ساقتىق شارالارىن ءبىلىپ، حاباردار بولۋ ارقىلى ءوزىڭىزدى قورعاۋعا بولادى. الەۋمەتتىك جەلىلەردە قاۋىپسىز بولىڭىز!
ۇقساس جاڭالىقتار
