2025 جىلدىڭ قاڭتار ايىنان باستاپ ەركەجان تۇرسىنباەۆا قازاقستان رەسپۋبليكاسىنىڭ الەۋمەتتىك يننوۆاتورلار قاۋىمداستىعىنىڭ ۆيتسە-پرەزيدەنتى قىزمەتىنە كىرىستى. ول ەلىمىزدە الەۋمەتتىك كاسىپكەرلىكتى دامىتۋعا باعىتتالعان اۋقىمدى جوبالاردى جۇزەگە اسىرۋدى قولعا الدى.
ەركەجان تۇرسىنباەۆانىڭ جەتەكشىلىگىمەن قاۋىمداستىق قازاقستاننىڭ ءار ايماعىندا الەۋمەتتىك كاسىپكەرلىكتىڭ تۇراقتى جەلىسىن قۇرۋعا بەل شەشە كىرىستى. ۇيىمنىڭ باستى ماقساتى – الەۋمەتتىك كاسىپكەرلەرگە قولايلى جاعداي جاساپ، ولاردىڭ قىزمەتىن قولداۋ جانە دامىتۋ.
بۇل باعىتتا قاۋىمداستىق الەۋمەتتىك كاسىپكەرلىك تۋرالى زاڭنىڭ ازىرلەنۋىنە بەلسەندى اتسالىسىپ، كاسىپكەرلەرگە ءتۇرلى پرەفەرەنتسيالاردى ەنگىزۋ بويىنشا جۇمىستار جۇرگىزۋدە.
الەۋمەتتىك كاسىپكەرلىك سالاسىندا بىلىكتى مامانداردى دايارلاۋ ءۇشىن قازاقستاندا العاش رەت ماگيسترلىك باعدارلاما ىسكە قوسىلدى. قاۋىمداستىق الەۋمەتتىك كاسىپكەرلەر مەن مەملەكەتتىك ورگاندارعا ارنالعان ادىستەمەلىك قۇرالدار ازىرلەپ، ولاردى قولدانىسقا ەنگىزۋدە.
قاۋىمداستىق وڭىرلەردەگى كاسىپكەرلەرگە ارنالعان ۆوركشوپتار، ماستەر-كلاسستار، ترەنينگتەر مەن دوڭگەلەك ۇستەلدەر ۇيىمداستىرادى. سونداي-اق جەرگىلىكتى اتقارۋشى ورگاندار مەن الەۋمەتتىك كاسىپكەرلەر اراسىندا ءتيىمدى بايلانىستى نىعايتۋ ماقساتىندا ارنايى سەمينارلار وتكىزۋدە.
ۇيىم ورتالىق ازيا ەلدەرىمەن، سونىڭ ىشىندە تاجىكستان مەن وزبەكستانمەن سەرىكتەستىك ورناتىپ، تاجىريبە الماسۋ ساپارلارى مەن حالىقارالىق كونسۋلتاتسيالار ۇيىمداستىرۋدا. بۇل باستامالار ايماقتىق جانە جاھاندىق دەڭگەيدە الەۋمەتتىك كاسىپكەرلىكتى دامىتۋعا ىقپال ەتەدى.
قاۋىمداستىقتىڭ ەڭ ماڭىزدى شارالارىنىڭ ءبىرى – جىل سايىنعى الەۋمەتتىك كاسىپكەرلىك قۇرىلتايى. 2023 جىلى 400-دەن استام قاتىسۋشى جيناعان بۇل شارانىڭ 2024 جىلى اۋقىمى كەڭەيىپ، 700-دەن اسا ادام قاتىسقان ەۋرازيالىق قۇرىلتايعا اينالدى. مۇنداي جيىندار الەۋمەتتىك كاسىپكەرلەرگە تاجىريبە الماسىپ، جاڭا مۇمكىندىكتەردى تالقىلاۋعا مۇمكىندىك بەرەدى.
ەركەجان تۇرسىنباەۆانىڭ باسشىلىعىمەن قاۋىمداستىق قازاقستاندا الەۋمەتتىك كاسىپكەرلىكتىڭ دامۋىنا تىڭ سەرپىن بەرۋدە. زاڭنامالىق قولداۋ، ءبىلىم بەرۋ باستامالارى جانە حالىقارالىق ىنتىماقتاستىق ارقىلى الەۋمەتتىك كاسىپكەرلىك سالاسى جاڭا دەڭگەيگە كوتەرىلەدى دەپ كۇتىلۋدە.