تاكسيمەن قالانىڭ ورتالىعىنداعى ءبىر كافەگە كەزدەسۋگە اسىعىپ بارا جاتقانمىن. ءتۇرى تاجىككە ۇقسايتىن ەكى كىسى وتىرعان ارتىمدا. ءبىر كەزدە بىرەۋىنىڭ تەلەفونى شىر ەتە قالدى دا، الگى ادام الدەنەگە قاتتى قۋانىپ كەتتى. سويتسەم، قازاقستانعا كەشە عانا كەلگەن ءبىر تۋىسى قازاقستاننىڭ ازاماتتىعىن الىپتى. ءىشىم قىلپ ەتە قالدى. قالاي العانىن ءبىلىپ وتىرمىن. اقشانىڭ كۇشىمەن العان عوي. قالاي العانىن ارى قاراي قازبالاپ سۇراپ كورگىم كەلىپ ەدى، تۇسەتىن ۋاقىت بولىپ، تاكسيسپەن ەسەپتەسىپ كەتتىم.
بىزدە قازىر ساتىلمايتىن نارسە قالمادى عوي. ەڭ جامانى – سولار ءبىزدىڭ كەيبىر شەندىلەر سەكىلدى قازاقستاندى اقشا تاباتىن جەر دەپ قانا قابىلدايدى. ءۇيى دە باسقا جەردە، تاپقان اقشاسىن دا سوندا تاسيدى. قازاقستاننىڭ ازاماتى دەگەن اتى عانا. وسىنىڭ الدىندا عانا پاتريوتتىق تۋرالى ءبىر پوست جازدىم. پايدا ءۇشىن عانا جۇرگەن، قازاقشا قاقپايتىن، قازاقستاندى وتانىم دەپ ەسەپتەمەيتىن مۇنداي ادامدار ولسە دە قازاقستاننىڭ پاتريوتى بولمايدى. سوسىن قازىر كىم-كورىنگەن كەپ ازاماتتىق الىپ جاتىر. وسى ازاماتتىق الاتىنداردان ەڭ قۇرىعاندا مەملەكەتتىك ءتىلدى ءبىلۋدى تالاپ ەتۋ كەرەك. باسقا ەلدىڭ ءبارى سويتەدى، كەرى كەتىپ جۇرگەن ءبىز عانامىز!
جولىمبەت ماكىشتىڭ فەيسبۋك پاراقشاسىنان
