8 جەلتوقسان كۇنى جاپونيانىڭ سولتۇستىگىندە ماگنيتۋداسى 7,6-عا تەڭ جەراستى ءدۇمپۋى تىركەلدى، دەپ حابارلايدى "ادىرنا" ۇلتتىق پورتالى NHK تەلەارناسىنا سىلتەمە جاساپ.
ءزىلزالا وشاعى حونسيۋ ارالىنىڭ سولتۇستىگىنەن شىعىسقا قاراي شامامەن 80 شاقىرىم جەردە ورنالاسقان. جەر سىلكىنىسى ەڭ قاتتى سەزىلگەن ايماق – اوموري پرەفەكتۋراسى. قيراندىلار مەن زارداپ شەككەندەر تۋرالى اقپارات ازىرگە جاريالانعان جوق.
ەلدىڭ مەتەورولوگيالىق باسقارماسى شىعىس جانە سولتۇستىك-شىعىس جاعالاۋدا بيىكتىگى 3 مەترگە دەيىن جەتۋى مۇمكىن تسۋنامي قاۋپى بارىن ەسكەرتتى. اوموري، يۆاتە جانە حوككايدو پرەفەكتۋرالارى قاۋىپتى ايماقتار قاتارىنا ەنگىزىلدى. بيلىك تۇرعىنداردى جاعالاۋدان جەدەل ەۆاكۋاتسيالانىپ، بيىك ايماقتارعا كوتەرىلۋگە شاقىردى.
ۇقساس جاڭالىقتار
