الماتىدا جەر سىلكىنىسى كەزىندە ءبىر ادام ەكى توبىعىن سىندىرىپ العان. بۇل تۋرالى الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعاەۆ ايتتى، دەپ حابارلايدى “ادىرنا” ۇلتتىق پورتالى.
«الماتى قالاسى دەنساۋلىق ساقتاۋ باسقارماسىنىڭ حابارلاۋىنشا، قالانىڭ 18 جاستاعى تۇرعىنىنا بالالارعا شۇعىل مەديتسينالىق كومەك كورسەتۋ ورتالىعىندا بارلىق قاجەتتى كومەك كورسەتىلدى. وعان «وڭ جاق اياق پەن ونىڭ كوگەرۋى جانە سوزىلۋى» دەگەن دياگنوز قويىلدى. ناۋقاس تۇرعىلىقتى جەرى بويىنشا ەمحاناعا امبۋلاتوريالىق ەمدەلۋگە جىبەرىلدى»، – دەدى نۇرلان اتىعاەۆ.
ەسكە سالايىق، بۇگىن ساعات 11:22-دە (گرينۆيچ بويىنشا) قازاقستان مەن قىرعىزستان شەكاراسىندا ماگنيتۋداسى مرv=6.1 بولىپ تىركەلگەن جەر سىلكىنىسى الماتىدا 5 بالل، ەپيتسەنتردە MSK-64 شكالاسى بويىنشا 5-6 بالل بولعان ەدى.
