تالدىقورعاندا ءجاسوسپىرىم جاس جىگىتتى سوققىعا جىقتى دەگەن كۇدىكپەن ۇستالدى

1647
Adyrna.kz Telegram
https://adyrna.kz/content/uploads/2023/10/policziya-960x500.jpeg?token=872acba811ec7e4ef3d5f3b21d5a1ae9
تالدىقورعان قالاسىندا پوليتسيا قىزمەتكەرلەرى 17 جاستاعى ءجاسوسپىرىمدى جاس جىگىتتى سوققىعا جىقتى دەگەن كۇدىكپەن ۇستادى، دەپ حابارلايدى “ادىرنا” ۇلتتىق پورتالى. پوليتسيانىڭ مالىمەتىنشە، كۇدىكتى ارنايى ەسەپكە الىنعان، ال ونىڭ اتا-اناسى بالا تاربيەسىنە قاتىستى مىندەتتەرىن ورىنداماعانى ءۇشىن جاۋاپكەرشىلىككە تارتىلادى. سونىمەن قاتار، جەرگىلىكتى ءبىلىم بولىمىنە ءتيىستى ۇسىنىس جىبەرىلگەن. بۇعان دەيىن الەۋمەتتىك جەلىدە ەكى جىگىتتىڭ قاتتى سوققىعا جىعىلعان ءجاسوسپىرىمدى كوتەرىپ بارا جاتقان ۆيدەوسى تارالعان بولاتىن. وسى وقيعادان كەيىن قۇقىق قورعاۋ ورگاندارى تەرگەۋ جۇمىستارىن باستاعان. “قىلمىس جاسادى دەگەن كۇدىكپەن 17 جاستاعى ءجاسوسپىرىم ۇستالدى. قازىرگى ۋاقىتتا تەرگەۋ ءىس-شارالارى جۇرگىزىلۋدە”، – دەپ مالىمدەدى پوليتسيا. ەسكە سالا كەتسەك، بۇعان دەيىن سەمەي قالاسىندا ءبىر توپ وقۋشى قاتارلاستارىن اياۋسىز ۇرىپ-سوققانى تۋرالى حابارلانعان ەدى.
پىكىرلەر