ەۋروپادا مۇحتار اۋەزوۆتىڭ ءومىرى مەن شىعارماشىلىعى تۋرالى دەرەكتى فيلم جارىققا شىقتى، دەپ حابارلايدى "ادىرنا" ۇلتتىق پورتالى.
فيلم فرانتسيا مەن گەرمانيا اراسىنداعى مادەني جانە اقپاراتتىق ىنتىماقتاستىق اياسىندا قۇرىلعان قوعامدىق «Arte France» تەلەارناسىندا اقپان ايىنان باستاپ كورسەتىلۋدە.
بۇل ارنا 1990 جىلى قۇرىلعان جانە ەۋروپادا كەڭىنەن تانىمال.
مۇحتار اۋەزوۆ تۋرالى دەرەكتى ءفيلمنىڭ اۆتورى – بەلگىلى جۋرناليست اننا لۋسسۋارن.
ونىڭ باستاماسىمەن 2023 جىلى ءتۇسىرىلىم توبى قازاقستانعا ارنايى ساپار جاساپ، جازۋشىنىڭ تۋعان جەرى اباي اۋدانىندا جانە الماتىداعى «اۋەزوۆ ءۇيى» عىلىمي-مادەني ورتالىعىندا زەرتتەۋ جۇرگىزگەن.
فيلمدە مۇحتار اۋەزوۆتىڭ «اباي جولى» رومان-ەپوپەياسى، قازاقتىڭ كەڭ دالاسى، ۇلتتىق داستۇرلەرى مەن مۋزىكاسى ەرەكشە بەينەلەنگەن. بۇل دەرەكتى جوبا ءبىر اي بويى «Arte France» تەلەارناسىندا تۇراقتى كورسەتىلمەك.
