اقش پرەزيدەنتى دونالد ترامپ ءبىلىم مينيسترلىگىن تاراتۋ تۋرالى جارلىققا قول قويدى. ءراسىم 20 ناۋرىز كۇنى وقۋشىلار مەن مۇعالىمدەردىڭ قاتىسۋىمەن اق ۇيدە ءوتتى، دەپ حابارلايدى «ادىرنا» ءتىلشىسى BBC-گە سىلتەمە جاساپ.
مەملەكەت باسشىسىنىڭ ايتۋىنشا، بۇل شەشىم ءبىلىم بەرۋ باعدارلامالارىنىڭ تيىمدىلىگىن ارتتىرادى.
«مينيسترلىكتى تەزىرەك جاپقىمىز كەلەدى. ونىڭ بىزگە تۇك پايداسى جوق»، – دەدى ترامپ.
ال دەموكراتتار دونالد ترامپتىڭ ۆەدومستۆونى تاراتۋ تۋرالى شەشىمىن جاۋاپسىز ارەكەت دەپ اتادى.
جارلىق بويىنشا، ءبىلىم سالاسىن باسقارۋ قۇزىرەتى شتاتتار مەن جەرگىلىكتى ۋاكىلدىك ورگاندارعا بەرىلەدى.
بۇعان دەيىن ترامپ مينيسترلىك جۇمىس ىستەگەن 45 جىلدا ءبىلىم بەرۋدىڭ ساپالى ۇلگىسىن كورسەتە الماعانىن مالىمدەگەن ەدى. مەكەمەنى تولىعىمەن جويۋ ءۇشىن كونگرەستىڭ ماقۇلداۋى قاجەت.
