قازاقستان 2027 جىلى جەردى قاشىقتان زوندتاۋ ءۇشىن ءۇش عارىش اپپاراتىن ۇشىرۋدى جوسپارلاپ وتىر. بۇل تۋرالى «قازاقستان عارىش ساپارى» ۇلتتىق كومپانياسىنىڭ باسشىسى قايىرجان قوجاەۆ مالىمدەدى، دەپ حابارلايدى «ادىرنا» ءتىلشىسى.
ايتۋىنشا، 2030 جىلعا قاراي 6 جەر سەرىگىنەن تۇراتىن وربيتالىق توپتاما قالىپتاستىرۋ دا كوزدەلىپ وتىر.
«جەر سەرىكتەرىن قۇراستىرۋ جانە سىناق جۇمىستارى 2026 جىلدىڭ ورتاسىنان باستالادى. جۇمىستى جىل سوڭىنا دەيىن اياقتاپ، 2027 جىلدىڭ باسىندا ولاردى وربيتاعا شىعارۋ جوسپارلانعان. جەر سەرىكتەرىن قۇراستىرۋ جانە سىناق جۇمىستارى 2026 جىلدىڭ ورتاسىنان باستالادى. جۇمىستى جىل سوڭىنا دەيىن اياقتاپ، 2027 جىلدىڭ باسىندا ولاردى وربيتاعا شىعارۋ جوسپارلانعان»،-دەدى ول.
جاڭا جەر سەرىكتەرى 2014 جىلى ەۋروپالىق سەرىكتەستەردىڭ قاتىسۋىمەن ۇشىرىلعان اپپاراتتىڭ ورنىن باسپاق. ۇشىرۋ SpaceX زىمىران-تاسىعىشى ارقىلى جۇزەگە اسىرىلادى. بۇل شەشىم كەيبىر ەۋروپالىق قۇرامداس بولىكتەردى پايدالانۋعا قاتىستى كەلىسىمشارتتىق شەكتەۋلەرمەن بايلانىستى بولىپ وتىر.
ايتا كەتەيىك، قازىرگى ۋاقىتتا وربيتادا قازاقستاننىڭ بەس عارىش اپپاراتى بار.
