مەملەكەت باسشىسى قاسىم-جومارت توقاەۆ پەن رەسەي پرەزيدەنتى ۆلاديمير پۋتين تەلەفون ارقىلى سويلەستى. بۇل تۋرالى اقوردا جازدى، دەپ حابارلايدى “ادىرنا” ۇلتتىق پورتالى.
پرەزيدەنتتەر قازاقستان مەن رەسەيدىڭ كوپجاقتى ىنتىماقتاستىعى دايەكتى تۇردە دامىپ كەلە جاتقانىن اتاپ ءوتىپ، بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردىڭ ورىندالۋ بارىسىن تالقىلادى.
بۇدان بولەك ەنەرگەتيكا سالاسىنداعى ىقپالداستىققا نازار اۋدارىلدى.
تاراپتار حالىقارالىق كۇن تارتىبىندەگى وزەكتى ماسەلەلەر جونىندە پىكىر الماسىپ، الداعى كەزدەسۋلەردىڭ كەستەسىن قاراستىردى.
ايتا كەتەيىك، بۇعان دەيىن پۋتين “اۋىرىپ قالدى” دەگەن قاۋەسەت تاراعان ەدى.سونداي-اق، تاياۋدا رەسەي سىرتقى ىستەر ءمينيسترى سەرگەي لاۆروۆ «كوممەرسانت» باسىلىمىنا بەرگەن سۇحباتىندا جەر تۇتاستىعى ماسەلەسى جونىندە قازاقستان باسشىسى قاسىم-جومارت توقاەۆپەن كەلىسپەيتىنىن مالىمدەگەن بولاتىن.
