2025 جىلعى 18 ساۋىردە قوناەۆ قالاسىندا جەدەل جاردەم كولىگى مەن جەڭىل اۆتوكولىك سوقتىعىسىپ، جول-كولىك وقيعاسى ورىن الدى. وقيعا سالدارىنان ءبىر ادام زارداپ شەكتى، دەپ حابارلايدى “ادىرنا” ۇلتتىق پورتالى.
وقيعا ورنىنىڭ ۆيدەوسى الەۋمەتتىك جەلىلەردە تاراپ كەتكەن. كۋاگەرلەر تۇسىرگەن كادرلار جەلىدە قىزۋ تالقىعا ءتۇستى.
الماتى وبلىستىق پوليتسيا دەپارتامەنتىنىڭ ءباسپاسوز قىزمەتى اتالعان جول-كولىك وقيعاسى بويىنشا قىلمىستىق ءىس تىركەلگەنىن مالىمدەدى. قازىر وقيعانىڭ ءمان-جايى انىقتالىپ، سوتقا دەيىنگى تەرگەۋ امالدارى جۇرگىزىلۋدە.
رەسمي مالىمەتكە سايكەس، جەدەل جاردەم كولىگى – Jac Sunray قوناەۆ قالاسىنىڭ كوناەۆ كوشەسىمەن ءجۇرىپ بارا جاتقاندا، Nissan Primera ماركالى اۆتوكولىكپەن سوقتىعىسقان.
اپات سالدارىنان Nissan كولىگىنىڭ جولاۋشىسى جاراقات الىپ، اۋرۋحاناعا جەتكىزىلگەن.
قۇقىق قورعاۋ ورگاندارى وقيعانىڭ ناقتى سەبەپتەرىن انىقتاپ جاتىر.
ۇقساس جاڭالىقتار
